40-tan astam notarıýs lıtsenzııasynan aıyryldy — vıtse-mınıstr
ASTANA. KAZINFORM — Ádilet vıtse-mınıstri Botagóz Jaqselekova Májilistiń jalpy otyrysynda notarıýstardyń qandaı zań talaptaryn jıi buzatynyn aıtty.
— Shynymen de atqarýshylyq jazbalarmen baılanysty kóptegen zań buzý faktisi anyqtalǵan edi. Atqarýshylyq jazbalar tek daýsyz mámileler boıynsha ǵana is júrgizý kerek. Al zań buzǵan notarıýstar jalǵan qujattar men dáleldenbegen faktiler negizinde, aýmaqtyq qaǵıdatty saqtamaı sheshim atqarýshylyq jazba rásimdegen, — dedi ol depýtat Abzal Quspannyń suraǵyna jaýap bere otyryp.
Onyń sózinshe, zań buzǵan notarıýstardyń bári tıisti jazasyn alǵan.
— Siz aıtyp otyrǵan 2022-23 jyldardy qamtyǵan tekserý kezinde 122 notarıýs jaýapqa tartyldy. Sonyń ishinde 40-tan astam lıtsenzııa qaıtaryp aldyq. 20-ǵa jýyq lıtsenzııa ýaqytsha toqtatyldy. 50-ge jýyq notarıýs tártiptik jaýapkershilikke tartyldy, — dedi Botagóz Jaqselekova.
Buǵan deıin notarıýstardyń qyzmeti boıynsha jańa baqylaý tizimi bekitilgenin jazǵan edik.
