40-tan asa áskerı qyzmetshi qyzdar «Batyr arýlar» baıqaýyna qatysýǵa tilekterin bildirdi (FOTO)
Bul týraly QR Qorǵanys mınıstrliginiń baspasóz qyzmetinen habarlady.
Osy oraıda, atalǵan saıysqa qatysýǵa nıet bildirgen 55765 áskerı bólimi feldegerlik poshta baılanysy qyzmetiniń áskerı qyzmetshisi qatardaǵy jaýynger Aıdaı Úsenova baıqaý qarsańyndaǵy óz oılarymen bólisti. «Osyndaı baıqaý QR Qarýly Kúshterinde tuńǵysh ret ótip jatyr. Sondyqtan da atalǵan saıysqa qatysý men úshin jáne meniń áriptesterim úshin qyzyqty dep sanaımyn. Árıne, meniń de 12 úzdik qatysýshynyń qatarynda bolǵym keledi. Alaıda «Batyr arýlar» baıqaýyna qatysqanymnyń ózi jetistik retinde kópke deıin kókeıimde júredi», - deıdi Aıdaı. Saýalnama-ótinimder 2015 jyldyń 10 aqpanyna deıin qabyldanady. Jınaqtalǵan baıqaýǵa qatysýshylardyń sýretteri men jeke saýalnamalyq málimetteri QR Qorǵanys mınıstrliginiń resmı saıtynda jarııalanady. Internet arqyly daýys berýdiń bastalǵany týraly resmı habarlanǵannan keıin azamattar óz daýysyn unaǵan qatysýshyǵa bere alady. Qorytyndysynda eń kóp daýys jınaǵan 12 qatysýshy anyqtalyp, irikteledi. Jeńimpazdardyń qatysýymen kásibı fotosessııa uıymdastyrylyp, fotolar 2015-2016 jyldarǵa arnalǵan arnaıy kúntizbege basylyp shyǵarylady. Al kúntizbeler óz kezeginde QR QK áskerı bólimderi men bólimshelerine taratylatyn bolady.