40 myńǵa jýyq qaraǵandylyq memlekettik tilde dıktant jazdy
QARAǴANDY. QazAqparat - Qaraǵandydaǵy Dostastyq úıinde Astana qalasynyń 20 jyldyǵyna oraı «Astana - beıbitshilik besigi» taqyrybynda jalpyrespýblıkalyq ashyq dıktant ótti. Oǵan Qaraǵandy oblysy boıynsha 40 myńǵa jýyq adam qatysty, dep habarlaıdy QazAqparat tilshisi.
«Dıktantty ótkizýdiń negizgi maqsaty - adamdardyń saýattylyǵyn tekserip, memlekettik tildiń mártebesin asqaqtatý boldy. Atalmysh aktsııa qazaqstandyqtardyń azamattyq jáne ómirlik pozıtsııalaryn belsendi túrde tanytyp, qazaq halqynyń qundylyqtaryn dáripteýdi mindetteıdi. Memlekettik tilde dıktant jazý úshin óz erikterimen kelgen adamdar kóp boldy», - dedi Qaraǵandy oblysy ákimi apparatynyń «Qoǵamdyq kelisim» KMM baspasóz qyzmetiniń basshysy Indıra Toqmýrzına.
Іs-shara Qazaqstan halyqtary Assambleıasynyń jyl saıynǵy «Myń bala» mádenı-aǵartý jobasyn júzege asyrý maqsatynda uıymdastyryldy. Oǵan etnomádenı birlestikterdiń ókilderi, memlekettik jáne azamattyq qyzmetkerler, stýdentter, oqýshylar, qoǵam qaıratkerleri men barlyq eriktiler qatysty.
Oblys boıynsha dıktantty 40 000-ǵa jýyq adam jazǵan. Olardyń qatarynda 1000 stýdent jáne 2000 memlekettik qyzmetker bar.
