40 myń almatylyq maskamen qamtamasyz etiledi
ALMATY. QazAqparat – Pandemııaǵa baılanysty Elbasy, «Nur Otan» partııasynyń Tóraǵasy N.Á. Nazarbaevtyń tapsyrmasymen partııanyń Almaty qalalyq fılıaly halyqtyń áleýmettik turǵydan osal toptaryn qoldaý úshin birqatar keshendi shara uıymdastyrdy, dep habarlaıdy QazAqparat tilshisi.
Partııanyń baspasóz qyzmetiniń málimetinshe, asa qajettilikti talap etetin azamattarǵa ataýly kómek kórsetý maqsatynda «Birgemiz» respýblıkalyq korynan qarjylandyrylatyn «Almaty Birgemiz» qory quryldy.
«Almaty Birgemiz» qory kómekke 23 myńnan astam adamǵa 50 myń teńgeden qarjy bóldi.
«Sondaı-aq, «Birgemiz» respýblıkalyq qory tarapynan Almaty qalasyna 2 mln medıtsınalyq betperde jiberildi. Ol maskalar 40 myń turǵynǵa, ıaǵnı AÁK alatyndarǵa, 1-3 top múgedekterine, erekshe qajettiligi bar balalardy tárbıelep otyrǵan otbasylarǵa jáne medıtsınalyq-áleýmettik mekemelerge taratylady. Búgin maskalardy jetkizý boıynsha aktsııa qalanyń barlyq aýdandarynda bastaldy. Atalǵan sharaǵa 200 erikti jáne 120-ǵa jýyq avtokólik jumyldyryldy»,– dep habarlady partııanyń baspasóz qyzmeti.
Bul jumys kún saıyn kezeń-kezeńimen jalǵasatyn bolady.
