40 mln tonna mal azyǵy jınaldy

ASTANA. KAZINFORM — Qazaqstanda aýyl sharýashylyǵy janýarlaryna arnalǵan mal azyǵyn daıyndaý naýqany aıaqtaldy. Bul týraly AShM málim etti.

Jergilikti atqarýshy organdardyń málimetinshe, óńirler 25 mln tonna shóp (jospardyń 103,1%), 1,9 mln tonna senaj (113,3%), 5,4 mln tonna quramajem (98,4%), 2,1 mln tonna sılos (107,3%), 4,9 mln tonna saban (106,6%) jınaǵan.

— Jalpy respýblıka boıynsha barlyq túrlerin qosa eseptegende 39,8 mln tonna mal azyǵy ázirlendi. Bul qys maýsymynda maldardy ustaýǵa jetkilikti ári senimdi qor qalyptastyrady. Birqatar oblystar naýqandy joǵary deńgeıde ótkizip, jospardy aıtarlyqtaı artyǵymen oryndady, — delingen habarlamada.

Olardyń qatarynda: Soltústik Qazaqstan (147,1%), Shyǵys Qazaqstan (116,0%), Almaty (105,6%), Jetisý (104,5%), Aqtóbe (103,2%), Qyzylorda (102,3%), Ulytaý (102,4%) oblystary bar.

Senaj daıyndaý boıynsha Soltústik Qazaqstan (163,5%), Jambyl (114,6%), Qostanaı (108,0%), Almaty (107,5%), Pavlodar (105,0%), Túrkistan (106,2%), Jetisý (105,1%) oblystary joǵary kórsetkishke qol jetkizdi.

Mal azyǵy qazirgi deńgeıde elimizdiń mal sharýashylyǵy sektorynyń qajettiligin tolyq qamtamasyz etedi. ıAǵnı, 2025–2026 jyldarǵa qysqy maýsymda maldy qystatýdy ońtaıly ótkerýge, jemshóp tapshylyǵy táýekelderin barynsha tómendetýge múmkindik beredi.

Aıta keteıik, buǵan deıin elde egin jınaý naýqany aıaqtalǵanyn jazǵan edik.