40 mln teńge para: Órtke qarsy qyzmet pen Shymkent, Jetisý TJD bastyqtaryna qatysty tergeý aıaqtaldy

ASTANA. KAZINFORM — Sybaılas jemqorlyqqa qarsy is-qımyl agenttigi TJM órtke qarsy qyzmetiniń tóraǵasyna qatysty tergeý aıaqtalǵanyn habarlady. 

Antıkor TJM Órtke qarsy qyzmetiniń tóraǵasyna, Shymkent qalasy men Jetisý oblysy TJD bastyqtaryna qatysty tergeýdi aıaqtady.

Laýazymdy tulǵalarǵa bıznes ókilderinen júıeli túrde jalpy somasy 40 mln teńgeden astam para alyp keldi degen aıyp taǵylǵan. 

Tergeý soty kúdikti adamdarǵa qatysty qamaýda ustaý túrindegi bultartpaý sharasyna sanktsııalady.

Qylmystyq is Aqmola garnızonynyń áskerı sotynda máni boıynsha qaralyp jatyr. 

«Qylmystyq-protsestik kodekstiń 201-babyna sáıkes ózge aqparat jarııalanbaıdy» dep habarlady vedomstvodan.