40 mln teńge aıyppul tóleı almaǵan «QTJ»-nyń burynǵy sheneýnigi 7 jyl túrmede otyrady

AQMOLA OBLYSY. QazAqparat – «QTJ» UK» AQ-nyń burynǵy sheneýnigine taǵaıyndalǵan aıyppuldyń ornyna 7 jyl bas bostandyǵynan aıyrýǵa aýystyryldy. Bul týraly QazAqparat Bas kólik prokýatýrasyna silteme jasap habarlaıdy.

Aqmola kólik prokýratýrasymen Nur-Sultan qalasy temirjol uıymynyń burynǵy basshysyna qatysty úkimdi oryndaý boıynsha qujattar zerdelendi.

2018 jyly materıaldyq jaǵdaıyn jaqsartý maqsatynda laýazymdyq ókilettigin teris paıdalanǵany (QK 361-baby 1-bóligi) jáne birneshe ret jeke ózi jáne deldal arqyly qorqytyp alý jolymen para alǵany (QK 366-baby 3-bóligi 1,2-tarmaqtary) úshin oǵan 40 mln teńge kóleminde qylmystyq aıyppul taǵaıyndalǵan.

2019 jyldyń qańtar aıynda Nur-Sultan qalasy Saryarqa aýdanynyń №2 sotymen sottalǵannyń ótinishi boıynsha úkimniń oryndalýy 1 jylǵa keıinge shegerilgen.

Sotpen keıinge shegerilgen merzim ótkenimen (28.12.2019 jyl), sottalýshy aıyppuldy tolyq tóleı almaǵan (6,8 mln teńge kóleminde ishinara tólem júrgizildi).

Kólik prokýrorynyń aralasýymen ǵana aýdandyq sottyń 03.03.2020 jylǵy qaýlysymen sottalýshyǵa qylmystyq aıyppul bas bostandyǵynan 7 jylǵa aıyrý jazasyna aýystyryldy.

13.05.2020 jyly atalǵan sot sheshimine berilgen shaǵym qanaǵattandyrýsyz qaldyryldy.

Búgingi tańda sot aktisi kúshine endi.