40 myń sımvolǵa — 510 myń: Qalamgerlerge buryn shyqpaǵan kitaby úshin grant berilýi múmkin

ASTANA. KAZINFORM — Mádenıet jáne aqparat mınıstrligi Kazinform saýalyna joldaǵan jaýabynda qalamgerlerdi bıýdjet esebinen yntalandyrýdyń jańa formattary týraly málimet usyndy.

«Mınıstrliktiń arhıv, qujattama jáne kitap isi komıteti qazirgi tańda qalamgerlerge grant taǵaıyndaý máselesin qarastyrýda. Búginde qaǵıdalarǵa túzetýler men tolyqtyrýlar engizilýde. Qaǵıdalar jobasy ashyq normatıvtik quqyqtyq aktilerdiń ınternet portalynda talqylaný úshin jarııalanǵan. Qazirgi tańda qaǵıdalar jobasy tıisti memlekettik organdardyń maquldaýyna jiberildi. Qaǵıdalar kúshine engen jaǵdaıda grant qalamgerlerdiń buryn jarııalanbaǵan kitaptaryna taǵaıyndalady. Grant mólsheri bir avtorlyq paraqqa (40 myń sımvolǵa) 6 eń tómengi jalaqy mólsherinde (2024 jylǵy eń tómengi aılyq mólsherimen eseptegende 510 myń teńge bolady — red.) qarastyrylǵan», — dep jazady mınıstrliktegiler.

Vedomstvo jaýabynda shyǵarmashylyq ókilderine memlekettik stıpendııalar beriletini de aıtylǵan.

«Byltyr Prezıdent ókimimen 75 mádenıet jáne óner qaıratkerine mádenıet salasyndaǵy memlekettik stıpendııa taǵaıyndaldy», — delingen jaýapta.