40 kúndik aza tutý: Iran resmı túrde Alı Hameneıdiń qazasyn rastady

ASTANA. KAZINFORM — Islam Respýblıkasynyń bıligi joǵarǵy basshy Alı Hameneıdiń ólimin resmı túrde rastap, elde 40 kúndik ulttyq aza tutý jarııalanǵanyn habarlady, dep jazdy Kazinform agenttiginiń Taıaý Shyǵystaǵy tilshisi.

Irannyń Tasnim jáne Fars agenttikteri jeksenbi kúni Irannyń joǵarǵy basshysy, aıatolla Alı Hameneıdiń qaza bolǵanyn resmı túrde rastady. Olardyń málimetinshe, ol senbi kúni tańerteń Tegeran ortalyǵyndaǵy rezıdentsııasyna jasalǵan soqqydan keıin qaza tapqan.

Irannyń memlekettik telearnasy habarlaǵandaı, Hameneı astananyń ortalyǵyndaǵy jumys kesheninde bolǵan jáne shabýyl bastalǵan kezde «óz mindetterin oryndaǵan». Efırde onyń ólimi «ol halyqpen únemi birge bolyp, óz jaýapkershiligin joǵary deńgeıde atqarǵanynyń belgisi» dep atap ótildi.

In the Name of God, the Compassionate, the Merciful

Among the faithful are men who fulfill what they have pledged to Allah: there are some among them who have fulfilled their pledge, and some of them who still wait, and they have not changed in the least (Holy Quran 33:23). pic.twitter.com/f1JizOKWQD

— Khamenei.ir (@khamenei_ir) March 1, 2026

Onyń ólimine baılanysty elde 40 kúndik ulttyq aza tutý jáne 7 kúndik resmı demalys jarııalandy. Irannyń BAQ málimetteri boıynsha, aza rásimderi eldiń ártúrli óńirlerinde bastaldy.

ıAsýdj qalasynda myńdaǵan adam kóshege shyǵyp, qoshtasý rásimderine qatysty. Jarııalanǵan kadrlarda aza ustaýshylar dástúrli qaıǵyny bildirip, keýdesine jáne basyna urýyn kórýge bolady.

🎥 خروش زنجانی‌ها درپی شهادت حضرت آیت‌الله خامنه‌ای https://t.co/wzZh5pHCpY pic.twitter.com/I1dwGwWuAk

— خبرگزاری فارس (@FarsNews_Agency) March 1, 2026

Lýrestan provıntsııasy men tarıhı Isfahan qalasynda da uqsas sharalar ótti. Naksh-e Djahan alańynda úlken top adam jınaldy.

Irannyń Islam revolıýtsııasy gvardııasy korpýsy ólim bolǵan «uly jetekshi» dep atap, qaskúnemderge kek qaıtarýdy ýáde etti.

— Biz uly jetekshimizden aıyrylyp, qaıǵy jamyldyq. Qatal terrorısterdiń qolynan qaıtys bolýy onyń adaldyǵy men qyzmetiniń durystyǵyn dáleldeıdi. Iran halqynyń kek qaıtarý qoly bul iske jaýapsyz qalmaıdy, — dep málimdedi IRGK.

Large crowd of people in Isfahan hit streets to mourn Leader of Islamic Revolution martyrdom pic.twitter.com/wpofOyCJgu

— Press TV 🔻 (@PressTV) March 1, 2026

Irakta da úsh kúndik ulttyq aza tutý jarııalandy. Irak úkimetiniń ókili Basem ál-Avadı Bagdattyń «ıran halqyna jáne búkil ıslam úmmetine» kóńil aıtqanyn jetkizip, oqıǵany «áleýmettik zańdylyqty buzatyn ashyq shabýyl» dep atady.

Izraıl qorǵanys kúshteri (TsAHAL) Hameneıdi joıý operatsııasyn «dál jáne keń aýqymdy Izraıl áýe kúshteriniń barlaý derekterine negizdelgen operatsııasy» dep málimdedi.

— Alı Hameneı ortalyq basqarý kesheninde, Tegerannyń júreginde, basqa joǵary laýazymdy sheneýniktermen birge bolǵan kezde dál jáne aýqymdy operatsııamen nysanaǵa alyndy, — delingen TsAHAL habarlamasynda.

Izraıl derekkózderi operatsııanyń kúndizgi ýaqytta jasalýy «taktıkalyq tosynsyı» bolǵanyn basa aıtty. Izraıl tarapynan kúni boıy shamamen 200 joıǵysh ushaq qatysyp, Iran aýmaǵynda júzdegen nysandardy nysanaǵa alǵan.

The Wall Street Journal gazetiniń málimetinshe, bul soqqy Izraıl men AQSh barlaýy Irannyń birneshe negizgi saıası jáne áskerı basshylarynyń bir ýaqytta bir jerde bolýy sırek kezdesetin múmkindikti anyqtaǵan soń jasalǵan. Keshenge shamamen 30 bomba tastalǵan. Izraıl sondaı-aq ulttyq qaýipsizdik keńesshisi Alı Shamhanıdi, Islam revolıýtsııasy gvardııasy korpýsy komandıri Mohammad Pakpýrdy jáne qorǵanys mınıstri Amır Nasırzadeni joıý týraly habarlady.

Esterińizge sala keteıik, senbi kúni keshke Hameneıdiń qaza bolǵany týraly kúmándi habarlar tarady, onyń Tegerandaǵy rezıdentsııasynyń zaqymdalǵany týraly habarlarmen qatar. Keıin onyń ólimi týraly AQSh prezıdenti habarlady.

Buǵan deıin AQSh prezıdenti Donald Tramp Truth Social áleýmettik jelisindegi paraqshasynda Irannyń Joǵarǵy kóshbasshysy Álı Hameneı qaza tapqanyn málimdegen edi.

Oǵan deıin de Izraıl sheneýnikterine silteme jasaı otyryp, Irannyń Joǵarǵy kóshbasshysy joıylǵany týraly aqparattar taraǵan bolatyn.

Búgin tańda ırandyq BAQ Aıatolla Hameneıdiń qazasyn rastady.