40 kúndik daıyndyq kýrsynan ótip áskerı bılet alýǵa bolady
ASTANA. QazAqparat - Qazir bizdiń oblysqa 2018 jyldyń 15 qańtarynan S,V kategorııasyndaǵy on júgizýshini tegin oqytýǵa tapsyrys tústi, dep habarlaıdy Altaynews .
Óskemen qalasynda Qorǵanys mınıstrliginiń áskerı-tehnıkalyq mektebi 2013 jyldan beri jumys isteıdi. Ásker qataryna ártúrli sebeptermen barmaı qalǵan 24-27 jas aralyǵyndaǵy jas jigitter osynda kelip, bekitilgen úlgidegi áskerı bıletti alyp shyǵýyna bolady.
Ol úshin olar 40 kúndik aqyly daıyndyq kýrsynan ótýge tıis. Kýrstyń baǵasy 263 myń teńgeniń aınalasynda. Sonymen qatar on segizge tolmaǵan bozbalalar da áskerı daıyndyqtan óte alady. Olar úshin qyzmettiń bul túri tegin.
"Qazir bizdiń oblysqa 2018 jyldyń 15 qańtarynan S,V kategorııasyndaǵy on júgizýshini tegin oqytýǵa tapsyrys tústi. Tórt aılyq kýrsty bitirgen bolashaq jaýyngerler áskerı boryshtaryn óteýge qarýly kúshterdiń áýe qorǵanysy bólimderine shaqyrylady. ıAǵnı,bolashaq Otan qorǵaýshylar kóktemgi shaqyrýǵa iligedi", - deıdi Óskemen qalalyq qorǵanys isteri jónindegi basqarmasy, áskerı qyzmetke kelisimshart boıynsha jınaý jáne áskerge shaqyrý bóliminiń basshysy, aǵa leıtenant Rýslan Qarahojın.
Bólim basshynyń túsindirýinshe, otbasy jaǵdaıymen nemese basqa da sebeptermen ásker qataryna shaqyrylýy keıinge qaldyrylǵan jas jigitter aqyly kýrsty támamdaý arqyly áskerı bıletke qol jetkize alady. Osy bıletpen kýrsanttar quqyq oryndarynda, memlekettik qyzmette, áskerı bólimshelerde kelisimshart negizinde jumys isteı alady. Bir jáne odan kóp balasy barlar zapasqa alynady.
