40 qabatty qonaqúı: Almatyda qandaı jaǵdaıda bıik ǵımarat salýǵa ruqsat beriledi
ALMATY. KAZINFORM – Almatyda Tımırıazev kóshesi men Seıfýllın dańǵylynyń qıylysynda 40 qabatty ǵımarat salý josparlanyp otyr.
Kazinform tilshisiniń saýalyna jaýap bergen Qalalyq josparlaý jáne ýrbanıstıka basqarmasy mundaı bıik nysannyń qurylysyna nelikten ruqsat berilýi múmkin ekenin túsindirdi.
Vedomstvo jaýabyna sáıkes, Abaı dańǵylynyń ońtústiginde, Ál-Farabı dańǵylynyń soltústiginde, ıAssaýı kóshesiniń shyǵysynda jáne Shyǵys aınalma jolynyń batysynda ornalasqan kópfýnktsıonaldy ǵımarattardy 9 qabattan bıik etip salýǵa – olardyń qoǵamdyq mańyzy dáleldengen jaǵdaıda ǵana ruqsat beriledi.
– 9 qabattan bıik kópfýnktsıonaldy ǵımarattar mynadaı sharttar oryndalǵan kezde ǵana ruqsat etiledi: olardyń qoǵamdyq mańyzyna arhıtektýralyq-qala qurylysy turǵysynan negiz bolýy, joba sheshimderiniń turaqtylyǵyn qamtamasyz etý (onyń ishinde energııa únemdeýshi jáne seısmoızolıatsııalyq tehnologııalardy qoldaný), sondaı-aq qorshaǵan ortaǵa keri áserdi barynsha azaıtý, - delingen jaýapta.
Ýrbanıstıka basqarmanyń málimetinshe, bul talaptar Almaty qalasy máslıhatynyń VIII shaqyrylymdaǵy kezekten tys XXVI sessııasynyń 2024 jylǵy 25 jeltoqsandaǵy №193 sheshimimen bekitilgen «Almaty qalasynyń qurylys salý erejeleriniń» 11-tarmaǵynda naqty kórsetilgen.
Al qurylys jobasynyń memlekettik saraptamadan ótýi men ýákiletti organdarmen kelisý tártibine qatysty basqarma kez kelgen qurylys jobasy birneshe kezeńmen júzege asyrylatynyn túsindirdi:
• Qurylys jobalaryn ázirleý úshin bastapqy materıaldardy alý;
• Eskızdi ázirleý jáne kelisý;
• Jobalyq-smetalyq qujattamany ázirleý jáne keshendi vedomstvoaralyq saraptamadan ótkizý;
• Qurylys-montajdaý jumystarynyń bastalǵany týraly memlekettik sáýlet-qurylys baqylaýyn júzege asyratyn organdarǵa habarlama jiberý jáne qurylys-montajdaý jumystaryn júrgizý;
• Salynǵan nysandy qabyldaý jáne paıdalanýǵa berý.
— Jergilikti atqarýshy organ sáýlet jáne qala qurylysy salasynda jeke jáne zańdy tulǵalarǵa «qurylys jáne qaıta jańartý jobalaryn ázirleý kezinde bastapqy materıaldardy berý» jáne «eskızdi (eskızdik jobany) kelisý» memlekettik qyzmetterin kórsetedi. Qalalyq josparlaý jáne ýrbanıstıka basqarmasy jumys jobalaryn kelisýge jáne jobalardy (jobalyq-smetalyq qujattamany) saraptaýǵa jaýapty emes, - dep naqtylady basqarma.
Eske salaıyq, buǵan deıin Májilis depýtaty Sergeı Ponomarev Almatyda Seıfýllın dańǵyly men Tımırıazev kóshesiniń qıylysynda salynyp jatqan 40 qabatty ǵımarat qurylysyna qarsy shyqty.