40-65 jastaǵylar arasynda koronavırýs juqtyrǵandar sany ósti - Janna Pralıeva
«Ótken jyldyń uqsas kezeńiniń deńgeıinde jiti vırýstyq gepatıttermen syrqattanýshylyq tirkelgen. Jiti ishek ınfektsııalary tobymen syrqattanýshylyq 30,4 paıyzǵa, salmonellezben syrqattanýshylyq 20,65 paıyzǵa, týberkýlezben syrqattanýshylyq 35,61 paıyzǵa, pedıkýlezben jáne enterobıozben syrqattanýshylyq 13,01 paıyzǵa tómendegeni baıqalady», - dedi Pralıeva onlaın rejımde ótken baspasóz máslıhatynda.
Sonymen qatar, ol Covid-19 boıynsha epıdemıologııalyq jaǵdaıǵa toqtaldy. Nur-Sultan qalasynda (13.03) indet bastalǵan sátten bastap jáne qazirgi (29.09) ýaqytqa deıin 14084 zerthanalyq rastalǵan KVI (onyń ishinde 8645 sımptomdarmen jáne 5439 asımptomatıkalyq) jáne 540 KVI (vırýs sáıkestendirilmegen) tirkelgen.
«Jas qurylymy boıynsha 40-tan 65 jasqa deıingi juqtyrǵan adamdar sanynyń ósýi baıqalady. Qazirgi ýaqytta KVI aýrýynyń jaǵdaılaryn tirkeý jalǵasýda, táýligine sımptomdary bar aýrýdyń basymdyǵymen 3-ten 20-ǵa deıin jaǵdaı tirkeledi. Eresekter arasynda da, mektep jasyndaǵy balalar arasynda da tirkelýde», - dedi Janna Pralıeva.