4 jylda EO Qazaqstandaǵy memlekettik qyzmetti damytýǵa 4,5 mln. eýro jumsady
ASTANA. QazAqparat - Sońǵy tórt jylda Eýropalyq Odaq Qazaqstandaǵy memlekettik qyzmetti damytýǵa 4,5 mln. eýro jumsady. Bul týraly búgin Astanada «Memlekettik qyzmettegi zamanaýı úrdister men reformalar» atty konferentsııada QR Memlekettik qyzmet jónindegi mınıstrdiń orynbasary Inna Ahmetova málim etti.
«Qazaqstan Úkimeti memlekettik qyzmetiniń reformasy jáne jańǵyrtylýy» atty joba 2012 jyldyń qańtar aıynan bastap, tórt jyl júzege asyrylyp keldi. Osy aralyqta Eýropalyq Odaq 4,5 mln. eýro qarajat jumsady», - dep atap ótti vıtse-mınıstr.
Onyń aıtýynsha, atalǵan joba - memlekettik basqarý máseleleri boıynsha eýropalyq tájirıbeni Qazaqstanda ıntegratsııalaý maqsatynda qolǵa alynǵan halyqaralyq bastama. Ol Qazaqstanda eldiń uzaqmerzimdi basymdyqtaryn júzege asyrýǵa qaýqarly jáne nátıjege negizdelgen kásibı biligi joǵary memlekettik apparatty qalyptastyrýǵa baǵyttalǵan.
I. Ahmetovanyń sózi boıynsha, Eýropalyq Odaqtyń qoldaýymen memlekettik qyzmettiń jańa negizderi qalandy. Onyń ústine «Memlekettik qyzmet týraly» zań qabyldanyp, memlekettk qyzmetti reformalaýǵa baǵyttalǵan birqatar normatıvtik aktiler engizildi.
«Eýropalyq Odaqpen qarjylandyrylǵan joba, bizdiń elde jańa memlekettik qyzmettiń modelin qalyptastyrýǵa septigin tıgizdi», - dedi I.Ahmetova.
