4 jylda elimizdegi temirjol salasyndaǵy mashına qurylysy 15 esege artty

ASTANA. 30 qarasha. QazAqparat - 2008 jyldan beri Qazaqstanda temirjol salasyndaǵy mashına qurylysy 15 esege ósti. Bul kórsetkish 2008 jylǵy 10 mlrd. teńgeden, 2012 jyly 155 mlrd. teńgege jetti. Búgin Astanada «Atameken» odaǵy» Ulttyq ekonomıkalyq palatasy prezıdıým otyrysynda «Qazaqstan temir joly UK» AQ prezıdenti Asqar Mamın osylaı málim etti.

«Biz óz aldymyzǵa 2015 jylǵa qaraı bul kórsetkishti eki esege deıin arttyryp, 300 mıllıard teńgege jetkizýdi mindet etip qoıyp otyrmyz. Osylaısha, kórsetkish 2008 jylmen salystyrǵanda 30 esege ulǵaıatyn bolady», - deıdi A. Mamın. Onyń aıtýynsha, 2015 jylǵa qaraı temir jol salasyndaǵy shyǵarylatyn mashına qurylysy ónimderiniń jartysyna jýyǵy Keden odaǵy memleketterine jáne basqa da elderge eksporttalatyn bolady.

Esterińizge sala keteıik, «Atameken» odaǵy» UEP prezıdıýmynyń otyrysynda negizinen taýarlar, jumystar men satyp alýdaǵy qazaqstandyq qamtý máselesi talqylanǵan bolatyn.