4 jyldan keıingi altyn: Ádilet Almat – Azııa chempıony
ASTANA. KAZINFORM – Dzıýdodan Qytaıdyń Ordos qalasynda Azııa chempıonatynyń ekinshi kúni máresine jetti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
81 kelidegi Ádilet Almat fınalda Parıj Olımpıadasynyń qola júldegeri Somon Mahmadbekovpen beldesti. Nátıjesinde otandasymyz qarsylasyn aýyrtý ádisimen jeńip ketti.
Aıta keteıik, buǵan deıin 2022 jyly Danııar Shamshaev Astanada ótken sary qurlyqtyń dodasynda top jarǵan edi.
Ádilet Almattyń bul Azııa chempıonatyndaǵy birinshi júldesi. Ol 2023 jyly jastar arasynda Azııa chempıony ataǵyna da qol jetkizgen bolatyn.
Jarystaǵy joly:
1/8 fınal. Shyńǵyshan Saǵynalıev
1/4 fınal. Abylaıhan Jubanazar
1/2 fınal. Behrýzı Hojazoda
Aıta keteıik, Abylaıhan Jubanazar dzıýdodan Azııa chempıonatynda qola medal jeńip aldy.
Esmıgúl Kýıýlova dzıýdodan Azııa chempıonatyndaǵy alǵashqy medaldi aldy.
