4 jylda balyq ósiretin sharýashylyqtar sany 7 ese ósken

ASTANA. KAZINFORM – 2021 jyldan ber eldegi balyq ósiretin sharýashylyq sany 650-ge jetken. Bul týraly Aýyl sharýashylyǵy mınıstrligi Balyq sharýashylyǵy komıtetiniń tóraǵasy Serik Sermaǵambetov ortalyq kommýnıkatsııalar qyzmetinde ótken baspasóz máslıhatynda málim etti.

– 2021 jyldan beri balyq sharýashylyǵyna bólingen sýbsıdııa kólemi 7 ese ósip, 2025 jyly 3,5 mlrd teńge boldy. Qabyldanǵan sharalardyń arqasynda jyl saıyn balyq ósiretin sharýashylyqtar sany artyp keledi. 2021 jyldan búginge deıin olardyń sany 4 ese kóbeıip, 650 sharýashylyqqa jetti, - dedi ol.

Aıtýynsha balyq ósirý jaqsy damyǵan óńirler legi tómendegideı: 

Túrkistan – 4,3 myń tonna;

Almaty – 3,7 myń tonna;

Shyǵys Qazaqstan – 2 myń tonna;

Jambyl – 1,8 myń tonna.

Jalpy 2025 jyldyń 10 aıynda shamamen 12,2 myń tonna balyq ósirilgen. 

Buǵan deıin elimizdiń qaı óńiri balyq ónimderin kóp tutynatynyn jazǵan edik.