4 jyl ishinde jaramdylyq merzimi bitetin júrgizýshi kýáligin aýystyrý kerek pe
ASTANA. KAZINFORM — ІІM áleýmettik jelide aldaǵy tórt jyl ishinde jaramdylyq merzimi aıaqtalatyn júrgizýshi kýáligin mindetti túrde aýystyrý qajet degen aqparat jalǵan ekenin aıtty.
— Áleýmettik jeliler men messendjerlerde aldaǵy tórt jyl ishinde jaramdylyq merzimi aıaqtalatyn júrgizýshi kýálikterin mindetti túrde aýystyrý qajet degen jalǵan aqparat tarap jatyr. Bul aqparat shyndyqqa sáıkes kelmeıdi.
Júrgizýshi kýálikterin berý jáne aýystyrý tártibine qatysty eshqandaı ózgeris engizilgen joq. Atalǵan kýálik tek olardyń jaramdylyq merzimi aıaqtalǵan jaǵdaıda jáne qoldanystaǵy belgilengen tártipke sáıkes aýystyrylady. Qosymsha talaptar, sonyń ishinde qaıta emtıhan tapsyrý nemese qandaı da bir shekteýler qarastyrylmaǵan, — delingen habarlamada.
Polıtsııa azamattardy jalǵan aqparatqa senbeýge jáne málimetterdi tek resmı derekkózderden alýǵa shaqyrady.
Sonymen qatar kórineý jalǵan aqparat taratý Qylmystyq kodeksiniń 274-babyna sáıkes qylmystyq jaýapkershilikke ákep soǵatynyn eskertedi.
Aıta ketelik jol polıtseıi toqtatqan jaǵdaıda, zańdy ókilge júrgizýshi kýáliginiń elektrondy nusqasyn usyný zańǵa qaıshy ma? Atalǵan jaıtqa qatysty Іshki ister mınıstrligi resmı jaýap bergen edi.