4 jeltoqsanǵa arnalǵan aýa raıy boljamy
ASTANA. QazAqparat - «Qazgıdromet» RMK 4 jeltoqsanǵa arnalǵan aýa raıy boljamyn usynady, dep habarlaıdy QazAqparat.
Respýblıkanyń basym bóligi antıtsıklon áserinde bolady, soǵan baılanysty jaýyn-shashynsyz aıazdy aýa raıy kútiledi. Tek soltústik jáne shyǵys aýdandardan frontaldy bólikterdiń ótýine baılanysty qar jaýyp, ońtústikte, shyǵysta jel soǵady.
Respýblıkanyń keı jerlerinde tuman, batysta-kóktaıǵaq, soltústigi men shyǵysynda jaıaý burqasyn kútiledi. Almaty oblysynyń túnde keı jerlerinde tuman túsedi,
Jalańashkól aýdanynda jel 17-22 m/s soǵady. Soltústik Qazaqstan oblysynyń keı jerlerinde tuman túsedi, kúndiz jaıaý burqasyn, kóktaıǵaq bolady.
Jambyl, Túrkistan oblystarynyń keı jerlerinde tuman túsedi, kúndiz jel 15-20 m/s kúsheıedi. Shyǵys Qazaqstan oblysynyń keı jerlerinde jaıaý burqasyn, túnde jel 15-20 m/s bolady, Qyzylorda oblysynyń keı jerlerinde tuman túsip, jel 15-20 m/s kúsheıedi.
Aqmola, Atyraý, Batys Qazaqstan, Qostanaı, Qaraǵandy oblystarynyń keı jerlerinde tuman túsýi kútilede, Atyraý, Batys Qazaqstan oblystarynda kóktaıǵaq bolady. Pavlodar, Mańǵystaý oblystarynyń túnde keı jerlerinde tuman túsedi.
