Sıdneı saýda ortalyǵynda 4 jasóspirim adamdarǵa pyshaqpen shabýyl jasaǵan

ASTANA. KAZINFORM –  Jańa Ońtústik Ýels shtatynyń polıtsııasy jeksenbi kúni Sıdneıdiń soltústigindegi saýda ortalyǵynda bolǵan pyshaqpen shabýyldaǵan oqıǵaǵa qatysty 4 jasóspirimge aıyp taǵylǵanyn málimdedi. Bul týraly Sınhýa agenttigi habarlady.

Resmı málimdemege sáıkes, tótenshe qyzmetter senbi kúni jergilikti ýaqytpen saǵat 15:00 shamasynda saýda ortalyǵynda shabýyl jasalǵany týraly habar alǵan. 

Zardap shekkender — 21 jastaǵy er adam jáne 27 jastaǵy áıel. Bes jasóspirim eki qyz ben úsh ul aldymen er adamǵa shabýyl jasap, oǵan kómek kórsetýge kelgen áıeldi jaralaǵan. 

Er adam aıaǵynan jaraqat alyp, jeke zattary urlanǵanyn habarlady. Oǵan oqıǵa ornynda medıtsınalyq kómek kórsetilip, keıin aýrýhanaǵa jetkizildi.

Oqıǵadan kóp uzamaı polıtsııa Sıdneıdiń soltústigindegi basqa saýda ortalyǵynan kúdikti bes jasóspirimniń tórteýin tapty. Olar 16 jastaǵy 3 ul men 15 jastaǵy bir qyz. Jasóspirimder polıtsııa bólimshesine jetkizilip, olarǵa resmı aıyp taǵyldy.

Aıta ketelik Almaty áýejaıynda jolaýshy qyzmetkerdiń shashynan tartyp, kópshilik aldynda pyshaq kezengen edi.