4 jasar qyz balabaqsha búldirshinderine geroın taratqan
ASTANA. QazAqparat - Amerıkanyń Delaver shtatynda 4 jasar sábı balabaqshaǵa kelgen soń dostaryna geroın salynǵan qapshyqtar taratqan. Ol sómkesinen tabylǵan esirtkini táttige balaǵan dep habarlaıdy sheteldik BAQ.
Selbıvıl qalasynyń balalar baqshasynyń tárbıeshileri balalardyń aq untaq salynǵan qapshyqtar ustap júrgenin baıqap qalǵan. Balalar mekemesine dereý jetken polıtsııa qyzmetkerleri bul zattyń geroın ekenin anyqtap, búldirshinniń sómkesin teksergende, odan esirtki zaty salynǵan qalǵan qapshyqtar tabylǵan. Jalpy sany 249 qapshyq geroın alynǵan, olardyń jalpy salmaǵy tórt grammǵa jýyq apıyndy qurady.
Tergeý amaldary kórsetkendeı, búldirshinge esirtki salynǵan sómkeni 30 jastaǵy anasy bergen. Qyzynyń rıýkzagyn úıindegi ıti jyrtyp tastaǵandyqtan, ol balasyna óziniń rıýkzagyn bergen, alaıda onyń qaltasyna jasyrǵan esirtki zattary týraly umytyp ketken. Balabaqshaǵa kelgen soń ańǵal sábı olardy táttige balap, basqa búldirshinderge taratqan.
