4 jáne 5 maýsym kúnderi «MÝZ-TV» syılyǵy kontsertteri kezinde Astanada keıbir kósheler ishinara jabylady
ASTANA. QazAqparat - Astana ІІD «MÝZ-TV» syılyǵy kontsertterin ótkizý kezinde avtokólikter qozǵalysy ishinara shekteletini týraly habarlady.
«4 maýsymda «Astana-Arena» stadıonynyń aldynda keshki saǵat 19.00-den 00.00-ge deıin qaıyrymdylyq kontserti ótkiziledi, osyǵan oraı atalǵan kezeńde Qabanbaı batyr jáne Turan dańǵyldarynda, Kereı-Jánibek handar kósheleriniń aýmaǵynan Hýseın Ben Talal kóshesine deıin kólik quraldarynyń qozǵalysy shektelinbek. Orynbor kóshesi boıymen aınalyp ótýge keńes beriledi», - delingen habarlamada.
5 maýsym kúni «MÝZ TV» syılyǵyn tapsyrý saltanatyn ótkizý kúninde kólik quraldary qozǵalysy saǵat 17.00-den 01.00-ge deıin Qabanbaı batyr jáne Turan dańǵyldarynda, Kereı-Jánibek handar kósheleriniń aýmaǵynan Hýseın Ben Talal kóshelerinde ishinara shekteledi. «Astana-Arena» stadıonyna kirý bılet arqyly júzege asady. Orynbor kóshesi boıymen aınalyp ótýge keńes beriledi.
Іs-shara ornyna kórermenderdi jınaqtap jetkizý «Qazaqstan» SK men «Tsırk» turaqtarynda, Q. Muńaıtpasov atyndaǵy stadıon men «Nur Astana» meshitiniń turaǵynda qala ákimdigimen berilgen avtobýstarmen júzege asyrylady.
Soǵan baılanysty, Astana qalasy Іshki ister departamentiniń Ákimshilik polıtsııa basqarmasy elorda turǵyndary men qonaqtaryn óz kólikterinen qoǵamdyq kólikterdiń úlesine bas tartýlaryn suraıdy.
Qoǵamdyq tártipti qorǵaý men jol qaýipsizdigin qamtamasyz etý úshin qazaqstandyq jáne sheteldik estrada juldyzdarynyń qatysýymen «MÝZTV-2015.Gravıtatsııa» zamanaýı ánderdiń jyl saıynǵy úzdigin anyqtaý saltanatyn ótkizý kezinde 2,5 myń elordalyq polıtsııa qyzmetkerleri, Qazaqstan ІІM Ulttyq gvardııasynyń áskerı qyzmetkerleri tartylatyn bolady.
