4 týysyn óltirdi dep kúdikke ilingen aqmolalyqqa qatysty qosymsha málimet aıtyldy
ASTANA. KAZINFORM – Kúdikti aqyl-esi saý emes dep tanylýy múmkin. Bul jóninde QR Іshki ister mınıstriniń orynbasary Sanjar Ádilov málimdedi.
Onyń sózinshe, qazir tergeý jalǵasyp, sot-psıhıatrııalyq saraptama júrgizilip jatyr.
Sonymen birge, Ádilovtyń aıtýynsha, kúdikti buǵan deıin de isti bolǵan. Alaıda aqyl-esi saý emes dep tanylǵan.
– Psıhıatrııalyq saraptamanyń qorytyndysyn kúteıik. Sonyń nátıjesine saı sheshim qabyldanady. Eger kúdikti saý bolsa, qylmystyq jaýapkershilik qarastyrylady. Al aqyl-esi saý bolmasa, májbúrlep emdeýge jiberiledi. Saraptama nátıjesi sotqa joldanady, – dedi ol.
Eske salaıyq buǵan deıin polıtsııa 4 týysyn óltirdi dep kúdikke ilingen aqmolalyqtyń izin sýytpaı ustaǵanyn jazǵanbyz.
