4 tapanshanyń urlanýyna baılanysty Jezqazǵan qalalyq ІІB bastyǵy men onyń 2 orynbasary qyzmetinen bosatyldy
ASTANA. QazAqparat - 4 tapanshanyń urlanýyna baılanysty Jezqazǵan qalalyq ishki ister basqarmasynyń bastyǵy men onyń 2 orynbasary qyzmetinen bosatyldy. Bul týraly QazAqparat tilshisine Qaraǵandy oblystyq ishki ister departamenti baspasóz qyzmetiniń jetekshisi Baqytjan Qudııarov málim etti.
«Búgin tártiptik keńes ótti. Keńes qorytyndysy boıynsha Qaraǵandy oblystyq ishki ister departamenti bastyǵynyń buıryǵymen 3 qyzmetker ishki ister organdarynan bosatyldy. 5 qyzmetker, onyń ishinde Jezqazǵan qalalyq ishki ister basqarmasynyń bastyǵy men 2 orynbasary atqaryp otyrǵan qyzmetinen bosatyldy jáne tártiptik jazaǵa tartyldy», - dedi B.Qudııarov.
Esterińizge sala keteıik, taıaýda Jezqazǵan qalasy ІІB-niń qarý saqtaýǵa arnalǵan seıfinde 9 mm kalıbrli 4 jaýyngerlik tapanshanyń jetpeıtini anyqtaldy. Tergeý barysynda ІІB-nyń lıtsenzııalyq-ruqsat etý júıesiniń ınspektory qalanyń memlekettik kúzet qyzmeti basqarmasynyń ınspektorymen birlesip, «Qazaqmys korporatsııasy» JShS Qaýipsizdik departamentiniń Qaraǵandy oblysy ІІD-ge joıý úshin tapsyrylǵan 113 ártúrli jaýyngerlik qarýdyń tórteýin urlaǵan.
