4 tamyzǵa deıin azyq-túlik óndirýshi 10 qazaqstandyq kásiporyn BUU azyq-túlik qaýipsizdigi ınspektsııasynan ótedi

dep habarlaıdy «Kaznex Invest» eksport jáne ınvestıtsııa jónindegi ulttyq agenttiktiń baspasóz qyzmeti.

Habarlamada aýdıt ótkizý úshin Qazaqstanǵa BUU júıesine kiretin Búkilálemdik azyq-túlik baǵdarlamasynyń (BAB) sarapshysy, sapany baqylaý bóliminiń qyzmetkeri  Ina Haıdoýtov hanym keldi. Bul sharany QR IJTM «Kaznex Invest» eksport jáne ınvestıtsııa jónindegi ulttyq agenttik uıymdastyryp otyr jáne bul agenttiktiń qazaqstandyq óndirýshilerdi gýmanıtarlyq satyp alýlar naryǵyna jyljytý jolyndaǵy kólemdi jumystarynyń bir bóligi  bolyp tabylady.

Jyl saıyn halyqaralyq uıymdar (BUU, Qyzyl Krest jáne Qyzyl Jarty aı jáne de basqa ÚEU) gýmanıtarlyq kómek kórsetý úshin belgili bir taýar túrlerin satyp alady.  Olardyń ishinde anaǵurlym kóp satylyp alynatyny - azyq-túlik taýarlary. Azyqtyq gýmanıtarlyq kómek kórsetýmen BUU BAB keń kólemde shuǵyldanady.

«Búkilálemdik azyq-túlik baǵdarlamasy úshin áleýetti jetkizýshilerdi tańdaý barysyndaǵy basty ólshem - azyq-túlik qaýipsizdigi ınspektsııasynyń qorytyndylary bolyp tabylady. Aýdıtten tabysty ótken kásiporyndarda BAB jetkizýshisi bolý múmkindigi paıda bolady, sóıtip ol óz eksportynyń kólemin arttyra alady. Búgingi kúni tek eki otandyq kompanııa ǵana osy uıymmen yntymaqtastyqta jumys isteýde. 2010 jyly BAB esebi boıynsha satyp alýlardyń jalpy kólemi 2,7 mlrd AQSh dollaryna jetken, onyń ishinde Qazaqstannyń úlesi bar bolǵany 14,5 mln AQSh dollary ǵana», - dep túsinikteme berdi «Kaznex Invest»-tiń Almatydaǵy ókildiginiń dırektory Sábıt Narbaev.

Inspektsııadan basqa, 31 shilde kúni Almatyda BAB sarapshysy men «Kaznex Invest» azyq-túlik óndirisi kásiporyndarynyń ótkizý/satý jáne sapa bólimderiniń qyzmetkerleri úshin «Gýmanıtarlyq kómek taýarlarynyń (azyq-túlik ónimderi) erekshelikteri men sertıfıkattalýy» taqyrybynda semınar ótkizedi.

«Bul oqytý trenıngi ótken jylǵy «Halyqaralyq gýmanıtarlyq uıymdarmen bıznes júrgizý» semınarynyń zańdy jalǵasy bolyp tabylady. Ony ótkizý úshin «Kaznex Invest» agenttigi BUU júıesi uıymdarynyń satyp alý bólimderin (BUU Damytý baǵdarlamasy, BUU BAB, BUU Qashqyndar isi jónindegi bas komıssarynyń basqarmasy-QBKB, BUU Balalar Qory) tartqan bolatyn», - delingen «Kaznex Invest» baspasóz qyzmetiniń habarlamasynda.

BUU Búkilálemdik azyq-túlik baǵdarlamasy - álemdegi eń iri gýmanıtarlyq uıym. 1963 jyly BUU júıesinde azyq-túlik jóninde kómek kórsetetin organ retinde qurylǵan. Oǵan damýshy elderdegi ashtyq pen joqshylyq zardabyn tartqan muqtaj jandarǵa kómek kórsetý tapsyrylǵan. BAB azyq-túlik kómegin ekonomıkalyq jáne áleýmettik damytýǵa yqpal etý úshin de paıdalanady. BAB áskerı qaqtyǵystar, tabıǵı nemese tehnogendik apat sııaqty tótenshe jaǵdaılar kezinde qurbandarǵa jedel kómek kórsetýmen aınalysady, dep habarlaıdy  rm. kz saıty.