4 tamyzda Jerge eki keńestik spýtnık qulaıdy

ASTANA. QazAqparat -Amerıkandyq ǵarysh keńistigin baqylaý júıesiniń únemi jańartylyp otyrylatyn naqtylanǵan málimetteri boıynsha óz qyzmetin aıaqtaǵan keńestik «Kosmos-903» spýtnıgi 4 tamyzǵa qaraǵan túni Jerge qulaıdy, dep habarlady Ýtro.rý.

«Kosmos-903» (halyqaralyq katalogtaǵy nómiri - 1977-027A) Berıng teńiziniń aýdanynda atmosferanyń qalyń qabatyna enip, ballıstıkalyq ómir súrýin toqtatady. Atmosferanyń qalyń qabatynda spýtnık búlinip, onyń janbaǵan keıbir bólshekteri Jer ústine jetýi múmkin.

«Kosmos-903» 1977 jyly 11 sáýirde Plesetsk ǵarysh aılaǵynan ushyrylǵan bolatyn.

Sondaı-aq osy kúni «Kosmos-1151» spýtnıgi de ballıstıkalyq ómir súrýin toqtatyp, Karsk teńiziniń ústinde atmosferanyń qalyń qabatyna enedi.