4 tamyz kúni respýblıkanyń basym bóliginde qatty ystyq saqtalady - Qazgıdromet
ASTANA. QazAqparat - 4 tamyz kúni Qazaqstan terrıtorııasynyń basym bóliginde jaýyn-shashynsyz aýa raıy saqtalady, tek respýblıkanyń soltústiginde turaqsyz aýa raıy kútiledi, keı jerlerinde jańbyr jaýyp, naızaǵaı bolady, jel kúsheıedi, burshaq jaýýy yqtımal. Bul týraly Qazgıdromet habarlady.
Aqmola, Soltústik Qazaqstan, Qyzylorda, Atyraý, kúndiz Jambyl, Ońtústik Qazaqstan, Pavlodar oblystarynyń keı jerlerinde jel 15-20 m/s soǵady, shańdy daýyl kútiledi. Mańǵystaý oblysynyń keı jerlerinde jel 15-20 m/s soǵady, shańdy daýyl kútiledi. Qostanaı oblysynda túnde keı jerlerinde tuman kútiledi, kúndiz keı jerlerinde jel 18 m/s kúsheıedi.Kúndiz Almaty, Jambyl, Qyzylorda, Ońtústik Qazaqstan oblystarynyń basym bóliginde, Aqtóbe, Qaraǵandy, Shyǵys Qazaqstan oblystarynda qatty ystyq kútiledi. Kúndiz Mańǵystaý oblysynda óte qatty ystyq kútiledi. Qyzylorda, Ońtústik Qazaqstan, Jambyl, Qaraǵandy Aqtóbe oblystarynda, Almaty, Atyraý, Batys Qazaqstan, Qostanaı, Shyǵys Qazaqstan oblystarynyń keı jerlerinde óte joǵary órt qaýipi saqtalady.
