4-synyp oqýshysyn zorlady degen aıyppen 25 jastaǵy azamat tutqyndaldy - QR ІІM
ASTANA. 9 naýryz. QazAqparat - 4-synyp oqýshysyn zorlady degen aıyppen 25 jastaǵy azamat tutqyndaldy, dep habarlady QR ІІM baspasóz qyzmetinen.
Vedomstvonyń atap ótýinshe, aǵymdaǵy jyldyń aqpan aıynyń ortasynda Aqtóbe qalasynyń polıtsııa bólimine bir áıel, belgisiz bireýdiń 4-synypta oqıtyn qyzyn zorlaǵany týraly habarlaǵan. Arnaıy júrgizilgen operatsııanyń nátıjesinde krımınaldyq polıtsııa qyzmetkerleri Alǵa qalasynyń 25 jastaǵy jergilikti turǵynyn ustady.
Bastapqy derekter boıynsha kúdikti qyz balany mektepten qaıtar jolda ańdyp, aldaý arqyly úıine aparýdy usynǵan. Sodan keıin Qandyaǵash qalasynyń shetine shyǵyp, avtomashınanyń salonynda qyz balany zorlap, boı tasalaǵan.
Qazirgi ýaqytta kúdikti quryqtalyp, zorlaý faktisi boıynsha qylmystyq is qozǵaldy. Sonymen qatar tergeý amaldary júrgizilýde.
