4 shildede Qazaqstan qalalarynda aýa sapasy qandaı bolady
ASTANA. QazAqparat - Sársenbi, 4 shilde kúni Qazaqstannyń kóptegen qalalarynda jaǵymdy meteorologııalyq jaǵdaı qalyptasady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtóbe, Atyraý, Qostanaı, Qyzylorda, Pavlodar, Taldyqorǵan, Taraz, Oral jáne Óskemen qalalarynda aýany lastaıtyn faktorlar bolmaıdy dep boljanýda.
Al Almatyda meteojaǵdaılar atmosferada lastaýshy zattardyń shoǵyrlanýyna yqpal etedi.
Aqtaý, Astana, Qaraǵandy, Qostanaı, Kókshetaý, Petropavl, Shymkent qalalarynda jaǵymsyz meteorologııalyq ahýal qalyptasady.
Qolaısyz meteorologııalyq jaǵdaılar - atmosferalyq aýanyń jerge jaqyn ornalasqan qabatynda zııandy (lastaýshy) zattardyń jınalýyna yqpal etetin qysqamerzimdi meteofaktorlardyń (tymyq, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi aýanyń sapasy nasharlaýy yqtımal.
