4 shilde kúni Qazaqstanda ótetin mańyzdy oqıǵalarǵa sholý

ASTANA

8.30-da S. Seıfýllın atyndaǵy Qazaq agrotehnıkalyq ýnıversıtetinde Qazaqstan fermerler odaǵy ókilderiniń qatysýymen Agroónerkásiptik keshendi tsıfrlandyrý máseleleri boıynsha semınar-keńes ótedi.

9.00-da Kongress-Ortalyqta Qazaqstan Respýblıkasynyń Premer-Mınıstriniń qatysýymen «Astana Finance Days» sessııasy jáne «AIFC Digital Exhibition» tsıfrlyq bastamalar kórmesi ótedi.

9.00-da EKSPO-da jasandy ıntellekti bar álemdegi alǵashqy gınoıd Sofııa Astanadaǵy robopost keńsesin ashady.

9.30-da QR QM Qazynashylyq komıtetinde «El júregi - Astana» atty respýblıkalyq biryńǵaı medıajospar aıasynda «Aýdandar men aýyldardyń derbes bıýdjeti» taqyrybynda semınar ótedi.

10.00-de «Úkimet úıinde» «Kazakh Invest» UK» AQ basqarma tóraǵasy Saparbek Tuıaqbaevtyń qatysýymen Kazakhstan Global Investment Roundtable 2018 ekinshi halyqaralyq ınvestıtsııalyq forýmynyń qorytyndysy boıynsha baspasóz máslıhaty ótedi.

10.00-de aqyn-jazýshylar jáne jýrnalıster, baspasóz hatshylary arasynda toǵyzqumalaqtan ashyq respýblıkalyq jarys ótedi.

10.00-de «Altyn Orda» bıznes ortalyǵynda «Qazaqstan jáne ózge de elderdiń aýyl sharýashylyq kásipkerleriniń áleýeti men perspektıvalary» atty halyqaralyq forým ótedi.

11.00-de Stýdentter saıabaǵynda qazaq halyq aspaptar orkestrleriniń «SERPER» VI Respýblıkalyq festıvali bastalady.

11.00-de QR Prezıdentiniń qatysýymen Qazaqstan Respýblıkasynyń Memlekettik Týyn kóterý jáne joǵary áskerı oqý oryndarynyń kýrsanttaryna ofıtserlik pogondardy tabystaý rásimi ótedi.

11.40-ta Memleket basshysy Paralımpıadalyq jattyǵý ortalyǵyna barady.

12.00-de QR Mádenıet jáne sport mınıstrliginiń májilis zalynda balalar men jasóspirimder arasyndaǵy kekýshınkaı karateden III Álem Chempıonatyn ótkizý týraly baspasóz máslıhaty ótedi.

12.10-da QR Prezıdenti Jeńis dańǵylyndaǵy saıabaqqa baryp, Mánshúk Mámetova eskertkishine gúl shoǵyn qoıady.

12.45-te Kongress-ortalyqta Astana Finance Days aıasynda blokcheın-tehnologııalar men krıptovalıýtalar boıynsha paneldik sessııa bastalady.

13.00-de Nazarbaev ortalyǵynda Astana halyqaralyq qarjy ortalyǵynyń resmı tanystyrylymy aıasynda quqyqtyq máseleler boıynsha konferentsııa ótedi.

14.20-da Elordanyń 20 jyldyq merekesin toılaý aıasynda «Nur Otan» partııasynyń ortalyq apparatynda partııanyń jańa múshelerine bılet berý rásimi ótedi. Partııa bıletterin «Nur Otan» partııasy Tóraǵasynyń birinshi orynbasary M.Áshimbaev tabystaıdy.

15.00-de QR Ulttyq akademııalyq kitaphanasynda «Ejelgi Taraz eskertkishteri» tarıhı-mádenı qoryq-mýzeıiniń «Ejelgi Tarazdyń qazynalary» atty arheologııalyq eksponattardan quralǵan kórmesiniń saltanatty ashylýy ótedi.

15.00-de QR Ulttyq akademııalyq kitaphanasynyń «Qazaqstan halqy Assambleıasynyń zalynda» «Jemchýjnaıa poezııa Kazahstana» atty óleńder jınaǵynyń tusaýkeseri ótedi.

17.30-da Oqýshylar saraıynda «Wide World» - «Uly Dúnıe» I halyqaralyq erekshe teatrlar festıvaliniń baspasóz máslıhaty ótedi.

18.00-de Qazaqstan Respýblıkasyna resmı saparmen kelgen Ábý-Dabıdiń murager hanzadasy sheıh Mýhammed ben Zaıd Al Nahaıan Aqordaǵa barady.

19.00-da «Astana Opera» teatrynda «Astana Arqaý» túrki mýzykasy festıvali bastalady.

ALMATY

11.00-de Jibek joly kóshesinde «Múmkindikter ýaqyty» atty qalalyq bos jumys oryndarynyń jármeńkesi ótedi.

11.00-de Panfılov kóshesinde «Astana 20 year» taqyrybynda ashyq aspan astyndaǵy kórkemóner galereıasy ashylady.

15.00-de Ulttyq ǵylym akademııasy ǵımaratynda QR Bilim jáne ǵylym mınıstri Erlan Saǵadıevtiń QR balalar quqyqtaryn qorǵaý jónindegi Ombýdsmen Sáýle Aıtpaevamen jáne balalar quqyǵyn qorǵaý salasynda jumys isteıtin úkimettik emes uıymdar, memlekettik organdar ókilderimen kezdesýi ótedi.

ShYMKENT

11.00-de Astananyń 20 jyldyǵyna oraı, Shymkenttegi «Qazaqstan halqy Assambleıasy» ǵımaratynda oblystyq assambleıa janyndaǵy qurylymdardyń jetekshileri men óńirimizdegi etnomádenı birlestik tóraǵalarynyń qatysýymen «Turaqtylyq tuǵyry - Astana» taqyrybynda jıyn ótedi.