4 sáýirge arnalǵan aýa raıy boljamy
ASTANA. 4 sáýir. QazAqparat - Búgin elimizdiń basym aýmaǵy antıtsıklonnyń yqpalynda bolady.
Osyǵan oraı jaýyn-shashynsyz kún raıy kútilýde, keı jerlerde jel kúsheıedi, eldiń batysynda oǵan shańdy daýyl aralasady.
Memleketimizdiń soltústik jáne shyǵys aımaqtarynda atmosferalyq aǵym bólikteriniń ótýine baılanysty keı jerlerde azdaǵan jańbyr jaýyp, tuman bolady dep kútilýde. Bul týraly Qazgıdrometke silteme jasap QR TJM-nan habarlady.
Atap aıtqanda, Aqmola, Qostanaı oblystarynda keı jerlerde jerdiń ekpini sekýndyna 15-20 metrge deıin kúsheıip, tuman turady.
Ońtústik Qazaqstan men Qyzylorda oblystarynda da jeldiń kúshi sekýndyna 15-20 metrge deıin jetedi dep kútilýde.
Mańǵystaý men Atyraý óńirlerinde keı aýmaqtarda jeldiń jyldamdyǵy sekýndyna 15-20 metrge artyp, shańdy daýyl turady.
Batys Qazaqstan jáne Jambyl oblystarynda keı jerlerde tuman, jeldiń ekpini sekýndyna 15-20 metrge kúsheıedi.
Soltústik Qazaqstan men Qaraǵandy aımaqtarynda keı jerlerde tuman turady degen boljam bar.
Pavlodar oblysynda kúndiz jeldiń ekpini 15-20 m/s-qa jetedi.
Elimizdiń batysy men ortalyǵyndaǵy jekelegen ózenderde (Jaıyq, Іlek, Shaǵan, Bykovka, Derkól, Kósistek, Nura, Sherýbaı-Nura, Esil ózeniniń joǵarǵy jaǵy) kóktemgi sý tasqyny jaǵdaıynyń damýy jalǵasyp, sýdyń deńgeıi kóterilmek.
Elimizdiń soltústigindegi ózenderde kóktemgi úrdister damı túsedi. Oństútiktiń basym ózenderinde sý mólsheri aýytqıdy. ShQO aýmaǵyndaǵy Ertis ózeninde muz qatparlary buzylyp, keptelisterdiń oryn alýy, sý kóleminiń kóterilýi yqtımal.
