4 sáýirdegi aýa raıy boljamy
ASTANA. QazAqparat - 4 sáýir kúni el aýmaǵynyń basym bóliginde tsıklonnyń áserinen aýa raıy qubylmaly bolady.
Keı jerlerde jaýyn-shashyndy, tuman túsip, jel kúsheıedi. Tek respýblıkanyń batysynda kún ashyq, dep habarlaıdy QR TJM «Qazgıdromet» RMK-ge silteme jasap.
Aqmola, Soltústik Qazaqstan, túnde Qostanaı oblysynda keıbir jerlerde tuman túsedi, kóktaıǵaq, jeldiń jyldamdyǵy sekýndyna 15-20 metrge jetedi. Al Jambyl, Ońtústik Qazaqstan oblystarynyń jekelegen aýdandarynda tuman túsip, kóktaıǵaq bolady, jel ekpininiń 15-20 m/s.-qa jetýi yqtımal.
Túnde Aqtóbe oblysynda keı jerlerde tuman túsip, kóktaıǵaq bolady. Shyǵys Qazaqstan oblysynyń jekelegen aýdandarynda, al kúndiz Pavlodar, Qaraǵandy oblysynda jel kúsheıip, onyń jyldamdyǵy15-20 m/s.-qa jetedi. Mańǵystaý, Atyraý, Batys Qazaqstan oblystarynda tuman túsedi dep kútilýde.
