4 sáýirde Qazaqstanda ótetin mańyzdy oqıǵalarǵa sholý

Astana qalasy

Saǵat 09.30-da «Pekın palas» otelinde Qytaıdy zertteý jónindegi ortalyq QR Prezıdenti janyndaǵy Qazaqstan strategııalyq zertteýler ınstıtýtymen birlese otyryp, «Qazirgi Qytaı: saýaldar men jaýaptar» serııasymen kezekti semınar ótkizedi. Bul jolǵy taqyryp - «Qazirgi zamanǵy Jibek joly: ekonomıkadan da joǵary».

Saǵat 10.00-de «Nur Otan» partııasynyń respýblıkalyq qoǵamdyq qabyldaý bólmesinde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev azamattardy jeke qabyldaýyn ótkizedi.

Saǵat 10.00-de QR Eńbek jáne halyqty áleýmettik qorǵaý mınıstrliginde «Jumyspen qamtý jáne kóshi-qon týraly zańnamaǵa engiziler ózgertýler» taqyrybynda baspasóz máslıhaty ótedi.

Saǵat 11.00-de «Rixos» otelinde Kaspıı Turbaqubyry Konsortsıýmy basshylyǵynyń qatysýymen baspasóz máslıhaty ótedi.

Saǵat 11.20-da Úkimet úıinde «KazAgroGrant» AQ basqarma tóraǵasy Qaırat Maqaev, «Aýyl sharýashylyǵyn qarjylaı qoldaý qory» AQ basqarma tóraǵasy Jandar Omarov jáne «Agrarlyq nesıe korporatsııasy» AQ basqarma tóraǵasynyń birinshi orynbasary Nurjan Seısenbaevtyń qatysýymen baspasóz máslıhaty ótedi. Taqyryby - «Prezıdenttiń bes áleýmettik bastamasyn» júzege asyrý aıasynda aýyl kásipkerligin damytý týraly».

Saǵat 12.20-da Ortalyq kommýnıkatsııalar qyzmetinde Qazaqstan Respýblıkasy Prezıdentiniń «Resýrstardy utymdy paıdalaný» jónindegi Joldaýyn iske asyrýǵa arnalǵan baspasóz máslıhaty ótedi.

Saǵat 16.20-da Ortalyq kommýnıkatsııalar qyzmetinde Memleket basshysynyń «Tórtinshi ındýstrııalyq revolıýtsııa jaǵdaıynda damýdyń jańa múmkindikteri» Joldaýyn iske asyrýǵa arnalǵan baspasóz máslıhaty ótedi. Spıkeri - QR Investıtsııalar jáne damý mınıstri Jeńis Qasymbek.

Saǵat 17.00-de «Hılton Astana» qonaqúıinde «Teńizshevroıl» JShS-nyń 25 jyldyǵyna arnalǵan saltanatty shara bolady.

Almaty qalasy

Saǵat 10.00-de «Rýhanı jańǵyrý» baǵdarlamasy aıasynda Abaı atyndaǵy QazUPÝ-dyń «Spartak» stadıonynda 15-16 jasar oqýshylar arasynda «Jas ulan» qalalyq áskerı-sporttyq oıyny ótedi.

Saǵat 10.00-den bastap Yqlas atyndaǵy halyq aspaptar mýzeıinde Qurmanǵazy dombyrasynyń kóshirmesin resmı qabyldaý sharasy ótedi.

Saǵat 11.00-de QR Ulttyq kitaphanasyndaǵy N.Dáýletova atyndaǵy kórme zalynda jazýshy Nemat Kelimbetovtiń týǵan kúnine oraı eske alý sharasy ótedi.

Saǵat 12.00-de Qazaqstan baspasóz klýbynda «2018 jylǵy 1 sáýirden bastan gemofılııamen aýyratyn emdelýshilerdi dári-dármekpen qamtý» taqyrybynda baspasóz máslıhaty ótedi.

Saǵat 15.30-da «Atameken» UKP-da «Qurylysqa ruqsat alý jáne elektrmen qamtý júıesine qosý salasynda bıznesti memlekettik retteý sapasyn jaqsartý maqsatynda QR zańnamasyn jetildirý jónindegi memlekettik reformalar» degen taqyrypta keńes ótedi.

Qostanaı oblysy

Saǵat 11:00-de E.Ómirzaqov atyndaǵy oblystyq fılarmonııada óńir basshysy Arhımed Muhambetovtiń tóraǵalyǵymen barlyq deńgeıdegi ákimderdiń keńeıtilgen otyrysy ótedi.

Qyzylorda oblysy

Saǵat 11-00-de Elbasynyń "Bolashaqqa baǵdar: Rýhanı jańǵyrý" baǵdarlamalyq maqalasy aıasynda 2018 jyldyń 4 sáýir -15 sáýir aralyǵynda «Kezdesý» atty kórme uıymdastyrylady. Kórmege Qyzylorda qalasynyń sýretshileri, Qazaqstan  Sýretshiler Odaǵynyń músheleri Temirbek Saǵynbaev, Ǵalym Tleýbergenov jáne Gúlnár Ramazanovalardyń  qolynan shyqqan 60-tan astam keskindemelik shyǵarmalary qoıylady.

Aqtóbe oblysy

Saǵat 11.00-de Aqtóbedegi Óńirlik kommýnıkatsııalar qyzmetinde Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jurtshylyqpen baılanys jónindegi departamentiniń dırektory A.Berdalınniń, sondaı-aq, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Aqtóbe oblysy boıynsha departamenti basshysynyń orynbasary R.Bısenovtiń qatysýymen baspasóz-konferentsııasy ótedi. Jıyn taqyryby: Qazaqstandaǵy memlekettik qyzmettiń zamanaýı ahýaly.