4 sáýir kúni elordada ótetin mańyzdy sharalar ańdatpasy
ASTANA. QazAqparat - «QazAqparat» halyqaralyq aqparat agenttigi 4 sáýir kúni Astanada ótetin mádenı jáne qoǵamdyq mańyzdy sharalar ańdatpasyn usynady.
9.00-de Úkimet úıinde kezekti Úkimet otyrysy ótedi. Kún tártibinde Prezıdent Qasym-Jomart Toqaevtyń 2023 jylǵy 29 naýryzda Parlament sessııasynyń ashylýynda bergen tapsyrmalaryn iske asyrý sharalary qaralady.
10.00-de Ritz-Carlton qonaq úıinde «Teńizshevroıl» kompanııasy basshylyǵy baspasóz brıfıngin ótkizedi. Kompanııa basshylary Teńizshevroıldyń Qazaqstan ekonomıkasyna, óńirdiń áleýmettik damýyna qosqan úlesi týraly, sondaı-aq eldegi iri jobalardyń biriniń tehnologııalyq jáne kadrlyq áleýeti týraly aıtyp beredi.
11.00-de Astana qalasy Kommýnıkatsııalar qyzmetinde «Qosymsha bilim berý salasyndaǵy jańa jobalar» taqyrybynda onlaın brıfıng ótedi. Spıker: Astana qalasy Bilim basqarmasy basshysynyń orynbasary Marjan Qaıyrbaeva. Onlaın baspasóz-konferentsııasy «Astana qalasy kommýnıkatsııalar qyzmetiniń» Facebook-tegi jáne Instagram-daǵy resmı paraqshalarynda tikeleı efırde ótedi.
11.00-de QR Ulttyq kitaphanasynda Qazaqstandyq ǵalym áıelder qoǵamynyń basty jobalarynyń biri «Belgili qazaqstandyq ǵalym áıelder qoǵamy» atty entsıklopedııanyń tusaýkeseri ótedi.
12.00-de QR Prezıdenti janyndaǵy Ortalyq kommýnıkatsııalar qyzmetinde «Bızneske jol» jobasyn iske asyrý» taqyrybynda baspasóz máslıhaty ótedi. Spıker: Sybaılas jemqorlyqqa qarsy is-qımyl agenttiginiń Preventsııa qyzmetiniń basshysy Saıan Ahmetjanov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
15.00-de Parlament Senatynyń depýtattary elordalyq Polıtsııa departamentiniń bólimshelerine barady. Sapar «Esil» aýdany polıtsııa basqarmasynan bastalady, onda qonaqtarǵa kezekshi bólim, habarlamalardy kóp arnaly qabyldaý, «SOS» dabyl batyrmasy kórsetiledi.
16.00-de QR Ulttyq mýzeıinde «Italııalyq renessans – máńgilik sulýlyq» tsıfrlyq ımmersııalyq kórmesiniń ashylýy ótedi.
19.00-de Astana Opera teatrynda «RAHMANINOV-TRIBЬıÝT» festıvali aıasynda «Kóktem sýlary» kontserti ótedi.
19.00-de Jastar teatrynda Talaptan Ahmetjannyń «Taptym. Ǵashyq boldym. Joǵalttym» mıýzıkli kórsetiledi.
19.00-de M. Gorkıı atyndaǵy memlekettik akademııalyq orys drama teatrynda «Naedıne s Pýshkınym» monospektakli qoıylady.
