4 sáýir kúngi aýa raıy boljamy
NUR-SULTAN. QazAqparat – 4 sáýirde Qazaqstannyń basym bóliginde jaýyn-shashynsyz aýa raıy saqtalady. Tek batysta, ońtústik-batysta jáne soltústik-batysta frontaldy bólikterdiń ótýimen jańbyr jaýady. Respýblıka boıynsha tuman, jeldiń kúsheıýi, ońtústik-batysta naızaǵaı, shańdy daýyl kútiledi. QazAqparat bul týraly Qazgıdrometke silteme jasap habarlaıdy.
Túnde Batys Qazaqstan oblysynyń ońtústik-batysynda, kúndiz basym bóliginde 15-20 m/s ekpinde jel soǵady, kúshi 23-28 m/s, artady. Óńirdiń shyǵysynda tuman boljanady.
Kúndiz Atyraý, Mańǵystaý oblystarynyń basym bóliginde 15-20 m/s ekpinde jel soǵady, kúshi 23-28 m/s artady. Kúndiz Mańǵystaý oblysynyń batysynda, soltústik-shyǵysynda shańdy daýyl turyp, óńirdiń soltústiginde naızaǵaı kútiledi.
Aqmola oblysynyń soltústiginde, batysynda jel 15-20 m/s kúsheıedi, túnde jáne tańerteń óńirdiń ońtústiginde tuman bolady.
Almaty oblysynyń Alakól aýdanynda jeldiń jyldamdyǵy 17-22 m/s jetedi.
Qostanaı oblysynyń soltústiginde, batysynda 15-20 m/s jel turady, ekpini 23-28 m/s kúsheıedi. Óńirdiń soltústiginde tuman boljanady.
Aqtóbe oblysynyń ońtústik-batysynda jel 15-20 m/s kúsheıedi. Soltústik Qazaqstan oblysynyń batysynda, soltústiginde jel 15-20 m/s kúsheıedi. Túnde jáne tańerteń óńirdiń ońtústiginde tuman túsedi. Kúndiz Qyzylorda oblysynyń soltústiginde jel 15-20 m/s artady.
Jambyl oblysynyń soltústik-shyǵysynda, taýly aýdandarynda jel 15-20 m/s kúsheıedi.
