4 salmaq dárejesindegi álem chempıony Roı Djons mansabyn aıaqtaıtyn ýaqytty atady
ASTANA. QazAqparat - Búkilálemdik boks federatsııasynyń (WBF) nusqasy boıynsha 90,71 kelige deıin salmaq dárejesindegi álem chempıony amerıkalyq Roı Djons mansabyn 2017 jyly aıaqtaıtynyn málimdedi. Bul týraly Boxingscene portaly habarlady.
«Bul meniń bokstaǵy sońǵy jylym dep oılaımyn. Muny barshańyzǵa málimdeımin», - dedi sportshy.
18 aqpan kúni 48 jastaǵy Djons kanadalyq Bobbı Ganndy jeńgen edi. Djons WBF nusqasy boıynsha álem chempıony atandy.
Djons - tórt salmaq dárejesindegi (72,6, 76,2, 79,38 kelige deıin jáne asa aýyr salmaqta) álem chempıony atanǵan alǵashqy boksshy. Onyń qorjynynda barlyǵy 65 jeńis bar (47 - nokaýtpen) jáne toǵyz ret jeńilis tapqan.
