4 óńirdegi 15 jol ýchaskesinde kólik qozǵalysy shekteldi

ASTANA. QazAqparat - 4 óńirde aýa raıynyń qolaısyzdyǵyna baılanysty respýblıkalyq mańyzy bar avtojoldardyń 15 ýchaskesinde jol qozǵalysyna ýaqytsha shekteý engizildi, dep habarlaıdy QazAvtojol.

Aqtóbe (1 ýchaske), Aqmola (3 ýchaske), Soltústik Qazaqstan (8 ýchaske) jáne Qostanaı (3 ýchaske) óńirlerinde respýblıkalyq mańyzdaǵy joldar jabyldy.
Joǵaryda atalǵan óńirlerdiń aýmaǵynda ornalasqan respýblıkalyq tasjoldardy kútip-ustaýmen aınalysatyn jol qyzmetteri kúsheıtilgen jumys rejımine kóshti.
Respýblıkalyq mańyzy bar avtojoldarda 400 birlik arnaıy tehnıka men 520 jol jumysshysy qysqy kútip-ustaý jumystaryn atqarýda.

Aıta keteıik, búgin tańerteń Respýblıkalyq mańyzdaǵy joldardyń 2 ýchaskesinde qozǵalysqa ýaqytsha shekteý engizildi.