4 óńirde beı-bereket qoqys alańdary tolyǵymen joıyldy

NUR-SULTAN. QazAqparat – Elimizdiń aýmaǵyndaǵy 6 740 beı-bereket qoqys alańy joıyldy. Bul týraly QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zulfýhar Joldasov aıtty, dep habarlaıdy QazAqparat tilshisi.

«Azamattardy alańdatatyn taǵy bir ózekti másele – qoqystardy ornalastyrý. Qazirgi ýaqytta zańsyz qoqys alańdaryn ǵaryshtan monıtorıngileý júzege asyrylady. Onyń barysynda 7 328 zańsyz qoqys alańy anyqtaldy jáne 6 740-y nemese 89 paıyzy joıyldy», - dedi komıtet tóraǵasy Ortalyq kommýnıkatsııalar qyzmetindegi baspasóz máslıhaty barysynda

Zulfýhar Joldasovtyń dereginshe, Qyzylorda, Atyraý oblystarynda, Almaty men Shymkent qalalarynda beı-bereket qoqys alańdary tolyǵymen joıylǵan.

Jalpy, Ekologııa mınıstrliginiń qaýyrt jelisine 479 ótinim tússe, onyń 54 paıyzy dál osy beı-bereket qoqys alańdaryna qatysty bolyp tur. Qordalanǵan problemany sheshý úshin jumys istep turǵan qoqys alańdaryn joıý jańa alańdardyń paıda bolýyna jol bermeý boıynsha keshendi is-sharalar ázirlengen.