4 óńirde aýa raıyna baılanysty eskertý jarııalandy
NUR-SULTAN. QazAqparat – Aýa raıynyń qolaısyzdyǵyna baılanysty Qazaqstannyń tórt oblysynda eskertý jarııalandy, dep habarlaıdy QazAqparat «Qazgıdromet» RMK silteme jasap.
27 jeltoqsanda Aqmola oblysynyń keı jerlerinde jaıaý burqasyn bolady. Kúndiz ońtústik-shyǵystan 15-20 m/s jel turady.
Sondaı-aq, Túrkistan oblysynyń keı jerlerinde tuman túsedi. Tańerteń jáne kúndiz ońtústikten, ońtústik-batystan soqqan jeldiń jyldamdyǵy -15-20 m/s jetedi.
Juma kúni Aqtóbe oblysynyń keı jerlerinde jaýyn-shashyn jaýady, tuman túsip, kóktaıǵaq bolady.
27-29 jeltoqsanda Qyzylorda oblysynyń keı jerlerinde tuman túsip, kóktaıǵaq bolady. Demalys kúnderi jel ońtústik-shyǵystan batysqa aýysady. Jeldiń jyldamdyǵy sekýndyna 15-20 m/s jetedi.
