4 oblysta jeke ınvestor esebinen kolonııalar salynady – QR ІІM
«Shynynda da, qazir bizde ishki ister organdary júıesinde 80 QAJ mekemesi bar. Atap aıtqanda 16 tergeý ızolıatory men 64 kolonııada 34 myńnan astam adam otyr. Jasyratyny joq, bul kolonııalar ótken ǵasyrdyń 50-60 jyldary salynǵan jáne olardyń kópshiligi tozǵan. Baraq túrinde salynǵan túrmeler de bar. Árıne, biz únemi jóndeý jumystaryn júrgizemiz, degenmen standartty kolonııalardy, standartty túrmelerdi salatyn ýaqyt kelgen sekildi», - dedi E. Turǵymbaev Habar telearnasyndaǵy «Ulttyq múdde» baǵdarlamasynda.
Onyń aıtýynsha, jeke ınvestor memlekettik-jekeshelik áriptestik aıasynda kolonııa aýmaǵynda ónerkásiptik aımaq ashýǵa da mindetteledi.
«Bizdegi eń úlken másele – kolonııalardaǵy kontıngentti jumyspen qamtý. Barlyq kásipker óz óndirisin damytý úshin kolonııaǵa kele bermeıdi. Olar sottalǵandar jumys istemeıdi, jospardy oryndaı almaıdy, jumysty atqara almaıdy dep qaýiptenedi. Sondyqtan bul baǵytqa keletin ınvestor az. Negizinen bizde tigin birlestikteri bar, aǵash óńdeıtin shaǵyn tsehtar bar, metall buıymdarymen jumys isteıtinder bar, biraq qazir qalypty óndiristik bazany jolǵa qoıýǵa suranys týyndap otyr. ıAǵnı, aǵash óńdeý zaýyty, temirbeton buıymdary zaýytyn ashý qajet. Bizde ár kolonııada 600-den 900-ge deıin sottalǵan adam bar, olar jumysqa ornalasýy kerek. Birinshiden, bul ýaqytty tıimdi paıdalaný, ekinshiden, aqsha tabý, úshinshiden, qylmystyq is-áreket barysynda keltirgen zııandy eńbegimen óteý», - dep túsindirdi Іshki ister mınıstri.
Sonymen birge mınıstr Batys elderinde de barlyq kolonııa janynan ónerkásip oryndary ashylǵanyn atap ótti.
«Kóptegen sottalýshy jumys istegisi keledi, biraq óndiristik alańdar joq. Qazirgi ýaqytta memlekettik-jekeshelik áriptestik jolymen Almaty, Aqtóbe, Mańǵystaý, Túrkistan oblystarynda 4 zamanaýı kolonııa salý josparlanǵan. Onyń árqaısysynda 1500 adamǵa deıin syıady. Jańa kolonııalardyń kameralyq bolýy da anaǵurlym qaýipsiz bolmaq. Kolonııalar janynan ónerkásip oryndary ashylady, ıaǵnı sottalýshylar tańerteń jumysqa baryp, keshke kolonııaǵa qaıtady», - deıdi E. Turǵymbaev.
