4 oblystaǵy 5 respýblıkalyq jolda kólik qozǵalysy shekteldi

ASTANA. KAZINFORM - QazAvtoJol aýa raıyna baılanysty tórt oblysta jol jabylǵanyn habarlady.

Búgin, 31 jeltoqsan saǵat 18:00-degi jaǵdaı boıynsha aýa raıynyń buzylýyna baılanysty 4 oblystaǵy 5 respýblıkalyq mańyzy bar avtomobıl jolynda kólik qozǵalysyna shekteý qoıylǵan:

Batys Qazaqstan oblysy: 

- «Aqtóbe – Oral – RF shekarasy» avtojolynyń 189-492 shaqyrym aralyǵy (Atyraý oblysynyń shekarasynan Oral qalasyna deıin);

- «Aqtóbe – Oral – RF shekarasy» avtojolynyń 273-526 shaqyrym aralyǵy (Barbastaý aýylynan Aqtóbe oblysynyń shekarasyna deıin).

Jetisý oblysy:

- «Úsharal – Dostyq» avtojolynyń 84-164 shaqyrym aralyǵy (Kóktuma aýyly – Dostyq stansasy).

Aqtóbe oblysy:

- «Aqtóbe – Oral – RF shekarasy» avtojolynyń 526-610 shaqyrym aralyǵy (Batys Qazakstan oblysynyń shekarasynan Qobda eldi mekenine deıin). 

Atyraý oblysy:

- «Aqtóbe – Oral – RF shekarasy» avtojolynyń 179-189 shaqyrym aralyǵy (Inderbor kentinen Batys Qazaqstan oblysynyń shekarasyna deıin).

Qazir respýblıkalyq joldardy kútip-ustaýǵa 762 birlik arnaıy tehnıka jumyldyryldy.

Aıta keteıik, Astanada kóktaıǵaq saldarynan 100-den astam jol-kólik oqıǵasy bolǵan.