4 oblysta gıdrologııalyq dabyldy eskertý saqtalady – Qazgıdromet
ASTANA. KAZINFORM – «Qazgıdromet» respýblıkalyq memlekettik kásipornynyń baspasóz hatshysy Alına Ysmaǵulova eldiń 4 óńirinde gıdrologııalyq dabyldy eskertý saqtalatynyn málim etti.
«4 óńirde gıdrologııalyq dabyldy eskertý saqtalady. Almaty oblysynda 16 sáýirge deıin qar kóshkini boıynsha dabyldy eskertý kúshinde bolady. Abaı jáne Shyǵys Qazaqstan oblystarynda ózenderdiń deńgeıiniń kóterilýine baılanysty qarǵyn sýdyń betkeıden sý júrýi yqtımal», - dedi ol ortalyq kommýnıkatsııalar qyzmetinde ótken brıfıngide.
Sondaı-aq, ol Qostanaı oblysyndaǵy ahýalǵa toqtaldy.
«Qostanaı oblysynda 17 sáýirge deıin soltústik jáne soltústik batys ólkelerdegi ózenderdiń deńgeıi kóterilý qaýpi bar. Jambyl oblysynda 16 sáýirge deıin taýly jáne taý etegindegi aımaqtarda ózender kóterilip, betkeılerden sý júrýi múmkin», - dedi Alına Ysmaǵulova.
