4 oblysta respýblıkalyq mańyzdaǵy joldardyń 5 bóliginde qozǵalys shekteldi

Aýa raıynyń qolaısyzdyǵyna baılanysty (aýa temperatýrasy tómendeýi, jańbyr, boran) 4 oblysta, atap aıtqanda, Almaty, Atyraý, Jambyl, Jetisý óńirinde respýblıkalyq mańyzy bar avtojoldardyń 5 ýchaskesinde kólik qozǵalysyna shekteý engizildi.

Bul týraly Kazinform Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.

«Jelide 616 jolshy, 349 arnaıy tehnıkanyń kómegimen qardan tazalaý jáne qum-tuz shashý jumystaryn júrgizýde. Avtokólik júrgizýshileriniń qaýipsizdigi úshin jaqyn mańdaǵy eldi mekenderden, sonyń ishinde iri qalalardan shyǵýdy shekteýdi suraımyz»,-delingen habarlamada.