4 naýryzda óńirlerdiń basym bóliginde kúshti jel turady
ASTANA. QazAqparat - Atmosferalyq fronttardyń ótýine baılanysty 4 naýryz kúni respýblıkanyń basym bóliginde qubylmalı kún raıy saqtalady, keı jerlerde jaýyn-shashyn jaýady. Jekelegen aýmaqtarda tuman, kóktaıǵaq, jeldiń kúsheıýi kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Jambyl oblysynyń keı jerlerinde tuman, kóktaıǵaq, 15-20 m/s jyldamdyqtaǵy jeldiń ekpini 23-28 m/s jetýi múmkin.
Batys Qazaqstan, Mańǵystaý oblystarynda tuman, kúndiz 15-20 m/s kúshpen jel soǵady.
Qyzylorda oblysynyń keı jerlerin tuman basyp, túnde kóktaıǵaq, 15-20 m/s jyldamdyqta jel kútiledi.
Qaraǵandy, túnde Almaty oblystarynda - tuman, kóktaıǵaq bolady.
Aqmola, Qostanaı, Soltústik Qazaqstan, Pavlodar oblystarynda, Shyǵys Qazaqstan oblysynyń keı jerlerinde túnde jáne tańerteń tuman kútiledi.
Ońtústik Qazaqstan oblysynyń keı jerlerinde tuman, túnde jáne tańerteń jel 15-20 m/s deıin kúsheıedi.
Atyraý oblysynyń keı jerlerinde kúndiz jeldiń kúshi 18 m/s bolady.
