4 naýryz. Týǵan kún ıeleri
ESІMDER
61 jyl buryn (1958) QR Bilim jáne ǵylym mınıstri Kúlásh Noǵataıqyzy ShÁMShIDINOVA dúnıege keldi.
Almaty oblysynda týǵan. Qazaq memlekettik ýnıversıtetin bitirgen. Eńbek jolyn orta mekteptiń muǵalimi bolyp bastap, Kırov aýdandyq komsomol komıtetiniń hatshysy, Gvardııa aýdandyq komsomol komıtetiniń birinshi hatshysy, Taldyqorǵan oblystyq komsomol komıtetiniń hatshysy, Taldyqorǵan oblystyq muǵalimderdiń bilimin jetildirý ınstıtýty dırektorynyń orynbasary qyzmetterin atqarǵan. Taldyqorǵan qalasy ákiminiń orynbasary (1996-2002); Qazaqstan Respýblıkasy Bilim jáne ǵylym vıtse-mınıstri (2002-2005); «Bóbek» ulttyq ǵylymı-praktıkalyq bilim berý jáne saýyqtyrý ortalyǵynyń bas dırektory (2005-2007); Qazaqstan Respýblıkasy Bilim jáne ǵylym vıtse-mınıstri (2007-2009); «Nazarbaev Zııatkerlik mektepteri» DBU Basqarma tóraıymy (2009-2019).
Qazirgi laýazymyn atqarýǵa 2019 jyldyń aqpan aıynda kiristi.
«Parasat», «Qurmet» ordenderimen, medaldarmen marapattalǵan.
53 jyl buryn (1966) Ulttyq ulannyń bas qolbasshysy, general-maıor Rýslan Fatıhuly JAQSYLYQOV dúnıege keldi.
Almaty oblysy Qaskeleń qalasynda týǵan. I.S.Konev atyndaǵy Almaty joǵary jalpy áskerı komandalyq ýchılışesin, M.V.Frýnze atyndaǵy Áskerı akademııasyn, Reseı Federatsııasy Qarýly Kúshteri Bas shtabynyń Áskerı akademııasynyń Joǵary akademııalyq kýrstaryn bitirgen.
1987-2006 jyldary - Qazaqstan Respýblıkasy Іshki ister mınıstrliginiń Іshki áskerleriniń vzvod komandırinen ásker quramasynyń komandırine deıingi dárejege jetti. 2006-2007 jyldary - Qazaqstan Respýblıkasy Іshki ister mınıstrliginiń Іshki áskerler qolbasshysynyń orynbasary. 2007-2008 jyldary - Qazaqstan Respýblıkasy Іshki ister mınıstrliginiń Іshki áskerler qolbasshysynyń birinshi orynbasary - Bas shtab bastyǵy qyzmetterin atqarǵan. 2008 jyldyń qyrkúıeginen 2013 jylǵy qańtarǵa deıin QR ІІM ishki ásker bas qolbasshysy. 2014 jylǵy sáýirden beri Ulttyq ulannyń bas qolbasshysy qyzmetinde.
KSRO jáne Qazaqstan Respýblıkasynyń 14 medalimen marapattalǵan.
46 jyl buryn (1973) «QazTransGaz» AQ bas dırektory (basqarma tóraǵasy) Rýstam Edýarduly SÝLEIMANOV dúnıege keldi.
Soltústik Qazaqstan oblysy, Petropavl qalasynda týǵan. Almaty halyq sharýashylyǵy ınstıtýtyn «Ekonomıkalyq kıbernetıka» mamandyǵy boıynsha bitirdi.
Eńbek jolyn 1994 jyly bastady. Kommertsııalyq qurylymdarda ekonomıst, qarjy ınspektory bolyp jumys istedi. Gaz salasynda 1997 jyldan beri eńbek etip keledi. 1997-2000 jyldary «Alaýtransgaz» JAQ qarjy ınspektsııasyn, qarjylyq baqylaý bólimin, ekonomıkalyq bólimderdi basqara otyryp, túrli laýazymdarda jumys istedi. 2000-2002 jyldary KTG «Distribution» AAQ gazben jabdyqtaý jobasy jónindegi jumys tobynyń konsaltıngtik menedjeri, aımaqtyq menedjeri bolyp qyzmet etti. 2002 jyldyń mamyrynan bastap 2013 jyldyń aqpanyna deıin «QazTransGaz Aımaq» AQ marketıng jáne kontraktiler departamentiniń dırektory. «QazTransGaz Aımaq» AQ Basqarma múshesi boldy. 2013 -2014 jyldary «QazTransGaz Aımaq» AQ Basqarýshy dırektory (Basqarma múshesi). 2014 jyldyń qarashasynan 2015 jyldyń aqpanyna deıin - «QazTransGaz» AQ Bas dırektorynyń damý jónindegi orynbasary. 2015 jyldyń aqpan aıynan - «QazTransGaz» AQ Bas dırektorynyń marketıng jáne kommertsııa boıynsha orynbasary (Basqarma múshesi). 2015 jyldyń jeltoqsan aıynan bastap «QazTransGaz» AQ Bas dırektory (Basqarma tóraǵasy).
«Qazaqstan Respýblıkasynyń táýelsizdigine 25 jyl» medalimen marapattalǵan.
43 jyl buryn (1976) QR qarjy vıtse-mınıstri Berik Sholpanqululy ShOLPANQULOV dúnıege keldi.
1996 jyly Qazaq memlekettik agrarlyq ýnıversıtetin «Býhgalterlik esep, baqylaý jáne sharýashylyq qyzmetin taldaý» mamandyǵy boıynsha bitirgen.
Eńbek jolyn 1996 jylǵy qazanda Qazaqstan Respýblıkasy Qarjy mınıstrliginiń janyndaǵy Qazynashylyq komıtetinde Kassalyq qarajat jáne memlekettik borysh basqarmasynyń qolma-qol aqshany basqarý bóliminiń qazynashysy laýazymynan bastady. Osy Komıtettiń bas qazynashysy, bólim bastyǵy bolyp jumys istedi. 2001 jylǵy qazannan bastap 2004 jylǵy shildege deıin - Qazaqstan Respýblıkasy Qarjy mınıstrliginiń Qazynashylyq komıteti Qolma-qol aqshany basqarý jáne memlekettik mindettemelerdi esepke alý basqarmasynyń bastyǵy. 2004 jylǵy shildeden bastap 2008 jylǵy jeltoqsanǵa deıin Qazaqstan Respýblıkasy Qarjy mınıstrliginiń Qazynashylyq komıteti tóraǵasynyń orynbasary laýazymyn atqardy. 2008 jylǵy jeltoqsannan bastap 2014 jylǵy maýsymǵa deıin Qazaqstan Respýblıkasynyń Qarjy vıtse-mınıstri. 2014 jylǵy shildeden bastap 2016 jylǵy qarashaǵa deıin - Qazaqstan Respýblıkasy Qorǵanys mınıstriniń ekonomıka jáne qarjy jónindegi orynbasary. 2016 jylǵy qarashadan bastap jeltoqsanǵa deıin Qazaqstan Respýblıkasy Qarjy mınıstrliginiń Qarjylyq monıtorıng komıtetiniń tóraǵasy. Qazirgi qyzmetinde 2016 jyldyń jeltoqsanynan bastap.
Marapattary: Qazaqstan Respýblıkasy Qarjy mınıstrliginiń Qurmet gramotalary, «Astananyń 10 jyldyǵy» merekelik medali, «Qazaqstan Respýblıkasynyń táýelsizdigine 20 jyl» merekelik medali, «Eren eńbegi úshin» medali, «Qarjy qyzmetiniń úzdigi» tósbelgisi, «Eýrazııalyq ekonomıkalyq odaqty qurýdaǵy úlesi úshin» II dárejeli medali, «Qazaqstan Respýblıkasynyń Táýelsizdigine 25 jyl» merekelik medali.
38 jyl buryn (1981) «Shymkent» áleýmettik-kásipkerlik korporatsııasy» AQ basqarma tóraǵasy Rashıd Abatýllauly AıÝPOV dúnıege kelgen.
Ol Shymkent (qazirgi Túrkistan) oblysynda týǵan. Akademııalyq ınnovatsııa ýnıversıtetin zańger mamandyǵymen bitirgen, «Bolashaq» baǵdarlamasymen London ýnıversıtetinde memlekettik basqarý magıstri ǵylymı dárejesin alǵan.
Eńbek joly: «QR Memlekettik qyzmet isteri boıynsha aqparat jáne testileý ortalyǵy agenttigi» MM Ońtústik Qazaqstan oblysy boıynsha operatory, jetekshi sarapshysy (2004 jyldan); Astana qalalyq QR Memlekettik qyzmet isteri boıynsha aqparat jáne testileý ortalyǵy agenttigi MM dırektorynyń orynbasary (2006-2008); Astana qalalyq QR Memlekettik qyzmet isteri boıynsha aqparat jáne testileý ortalyǵy agenttigi MM dırektory (2008-2009); QR Premer-mınıstri keńsesinde memlekettik qyzmet jáne kadrlar jumysy bóliminiń sektor meńgerýshisi, qarjy-sharýashylyq jáne kadrlar jumysy bóliminiń bas konsýltanty, keńse basshylyǵy hatshylyǵynyń bas konsýltanty (2009-2015); Shymkent qalasy ákiminiń apparat basshysy (2015-2017); «Nur Otan» partııasy aqparattyq tehnologııalar ortalyǵynyń basshysy (2017-2018); Shymkent qalasy ákiminiń keńesshisi (07.2018-09.2018).
Qazirgi laýazymyn atqarýǵa 2018 jyldyń qyrkúıeginde kiristi.