4 naýryz kúni respýblıkanyń basym bóliginde jel kúsheıip, kóktaıǵaq bolady
ASTANA. QazAqparat - 4 naýryz kúni respýblıkanyń soltústik jáne soltústik-batys bóliginde atmosferalyq frontaldy bólikterdiń ótýine baılanysty keı jerlerde jaýyn-shashyn jaýyp, kóktaıǵaq, tuman, jaıaý burqasynmen jeldiń kúsheıýi kútiledi. Respýblıkanyń qalǵan aımaqtarynda jaýyn-shashynsyz aýa raıy bolady.
Bul týraly Qazgıdromet habarlady. Qaraǵandy, Pavlodar, Shyǵys Qazaqstan, Batys Qazaqstan oblystarynyń keı jerlerinde tuman bolady. Aqtóbe, Almaty oblystarynyń keı jerlerinde tuman, kúndiz jeldiń 15-20 m/s kúsheıýi kútiledi. Mańǵystaý, Akmola, Jambyl oblystarynyń keı jerlerinde tuman, jeldiń 15-23 m/s kúsheıýi kútiledi. Qostanaı oblysynyń keı jerlerinde tuman, kóktaıǵaq bolady. Soltústik Qazaqstan oblysynyń keı jerlerinde tuman, kóktaıǵaq bolyp, jeldiń 15-20 m/s kúsheıýi kútiledi. Ońtústik Qazaqstan, Atyraý oblystarynyń keı jerlerinde jeldiń kúsheıýi 15-20 m/s kútiledi.
