4 myńnan astam ata-ana balasynyń teris qylyǵy úshin jazalandy - Qaraǵandy
QARAǴANDY. QazAqparat – Qaraǵandy oblysynyń ıývenaldyq polıtsııa qyzmetkerleri kún saıyn kámeletke tolmaǵandardyń quqyq buzýshylyqtaryn anyqtaý úshin reıdter ótkizýde. Bul úshin kún saıyn tártip saqshylary túngi jáne kompıýterlik klýbtaryn aralap, tártip buzǵan jasóspirimderdi anyqtaýda, dep habarlaıdy QazAqparat tilshisi.
Kún saıyn oblystyń ıývenaldy polıtsııa qyzmetkerleri múddeli memlekettik organdardyń ókilderimen jáne volonterlermen birlesip, túngi reıd júrgizedi.
Іs-sharanyń negizgi maqsaty - kámeletke tolmaǵandardyń túngi ýaqytta ata-anasynsyz jáne eresektersiz úıden tys jerlerde júrgenin anyqtaý jáne osyǵan qatysty jaza qoldaný. Sondaı-aq, tártip saqshylary mundaı reıdterde balalardyń tyıym salynǵan ýaqytta klýbta júrýine múmkindik beretin mekeme ıelerin jaýapkershilikke tartady.
«2019 jyldyń 12 aıynyń qorytyndysy boıynsha oblystyń ıývenaldy polıtsııa qyzmetkerleri kámeletke tolmaǵandardyń zańdy ókilderiniń erip júrýinsiz saǵat 23.00-den bastap 06.00 saǵatqa deıin kóshe kezip júrýine jol bergeni úshin kámeletke tolmaǵandardyń 4486 ata-anasy ákimshilik jaýapkershilikke tartyldy.
Internet-kafeler, kompıýterlik klýbtar men oıyn-saýyq oryndary tekserildi, reıd nátıjesi boıynsha 122 mekeme ıelerine qatysty QR ÁQBK 132-baby boıynsha ákimshilik materıaldar jınaldy», - dep habarlady Qaraǵandy oblysy PD baspasóz qyzmeti.
Ótkizilgen is-sharalar nátıjesinde ótken jyly dúken satýshylaryna qatysty 621 ákimshilik materıal qurastyryldy. Olar kámeletke tolmaǵandarǵa alkogoldi ishimdikterdi satqan, sondaı-aq saýda oryndarynda 338 ret jasóspirimderge temeki satý derekteri anyqtalǵan.
Budan basqa, polıtsııa qyzmetkerleri kámeletke tolmaǵandar tarapynan 263 usaq buzaqylyq faktilerin anyqtady. Bul úshin osy balalardyń ata-analaryna QR ÁQBK 435-baby boıynsha ákimshilik jaza qoldanýǵa týra keldi.
«Jaǵdaıy nashar 1087 otbasy anyqtalyp, esepke alyndy. Onda 1043 ata-anaǵa qatysty mindetin durys oryndamaǵany úshin ákimshilik materıaldar jasaldy. ıÝvenaldy polıtsııa qyzmetkerleriniń materıaldary boıynsha 61 ata-ana quqyǵynan aıyryldy jáne 34 ata-ananyń quqyqtary shekteldi. Qylmys pen devıantty minez-qulyqty 39 kámeletke tolmaǵan arnaıy bilim berý uıymdaryna ornalastyryldy», - dep habarlady Qaraǵandy oblysynyń PD.
ıÝvenaldyq polıtsııa qyzmetkerleri sonymen qatar qandaı da bir quqyq buzýshylyq jasaǵan kámeletke tolmaǵan 1112 jasóspirimdi esepke aldy.
