4 myńnan astam adam týrıstik joldamany qaıtaryp almaqshy - mınıstrlik

NUR-SULTAN. QazAqparat – Qazaqstanda týrıstik uıymdarǵa joldamany qaıtarý úshin 4 myńnan astam adam júgingen. Bul týraly Mádenıet jáne sport vıtse-mınıstri Órken Bısaqaev aıtty, dep habarlaıdy QazAqparat tilshisi.

«Tótenshe jaǵdaı jarııalanǵanǵa deıin elimizdiń azamattary shetelge saparlardan jappaı bas tarta bastady. Bizdiń málimetter boıynsha týrıstik uıymdarǵa joldamalardy qaıta tapsyrý úshin 4 myńnan astam adam júgingen. Ol da týrıstik okmpanııalarǵa qıyn soǵyp jatyr. Odan bólek jeke adamdardyń da tap bolǵan negizgi problemalary – áýe kompanııalarynyń áýe bıletterin aıyppulsyz qaıtarýy boıynsha bas tartýy. Bul másele azamattyq avıatsııa salasyndaǵy ýákiletti organmen talqylandy. Bıletter aıpypulsyz tolyq kólemde qaıtarylatyny týraly sheshim qabyldandy», - dedi Órken Bısaqaev OKQ-da ótken onlaın-formattaǵy baspasóz máslıhatynda.

Onyń aıtýynsha, týrıstik naryq ókilderi Úkimet atyna memlekettik qoldaý kórsetý boıynsha ótinishter túsip jatqan kórinedi. Barlyq ótinish tirkelip, jan-jaqty taldanbaq.

«Biz ártúrli nusqany qarastyrýdamyz. Jaqyn arada sheshim jarııalanady», - dedi ol.