4 myńǵa jýyq qymbat telefondy elimizge kirgizbek bolǵan Qyrǵyzstan azamaty ustaldy

QORDAI. QazAqparat - Qyrǵyz Respýblıkasynyń azamaty ártúrli markaly 3865 dana uıaly telefondy shekaradan ótkizbek bolǵan jerinen ustaldy, dep habarlaıdy QazAqparat Ulttyq qaýipsizdik komıtetiniń shekara qyzmetine silteme jasap.

«Kórshi memleketten bizdiń elimizge ótpek bolǵan azamattyń jekemenshik DAF avtokóligin tekserý barysynda shekarashylar 3865 dana ártúrli markaly, qymbat uıaly telefondardy taýyp aldy. 28 jastaǵy Qyrǵyzstan azamatynyń taýaryna eshqandaı ruqsat qujattary joq bolyp shyqty», - delingen habarlamada.

QR Ulttyq qaýipsizdik komıteti shekara qyzmetiniń habarlaýynsha, kólikte 906 dana Iphone, 2310 dana ár túrli modeldi Samsung, 205 dana Redmi, 380 dana Huawei, 64 dana Vertu uıaly telefony bolǵan. Avtokólik júgimen birge ekonomıkalyq qylmystardy tekserý departamentine tapsyryldy.