4 myńǵa jýyq kásibı advokattar Qazaqstan halqyna aqysyz keńes berýge daıyn
ASTANA. 22 qarasha. QazAqparat - Tuńǵysh Prezıdent Kúnin merekeleý aıasynda advokattyq qoǵamdastyq keń aýqymdaǵy aktsııany ótkizýge nıetti. Osy oraıda olar Ashyq esik kúnin ótkizbek, dep habarlaıdy Respýblıkalyq advokattar alqasynyń baspasóz qyzmeti.
«Qazaqstan boıynsha 4 myńǵa jýyq kásibı qorǵaýshylar mamandandyrylǵan zańgerlik kómekke muqtaj azamattarǵa aqysyz keńes berýge daıyn»,-delingen bul málimetterde.
Atalǵan advokattar alqasy uıymdastyryp otyrǵan shara 30 qarashada ótkizilmek. Osy kúni barsha Qazaqstan boıynsha advokattyq kontoralarda, zańgerlik keńesterde, onyń ishinde aýyldyq jerlerdegi osyndaı mekemelerde saǵat 09:00-18:00 aralyǵynda kez kelgen adam keńes alýǵa kele alady eken.
