4 myń jyl burynǵy mysyrlyq kóne jazba tabyldy
ASTANA. QazAqparat - Belgııalyq ǵalymdar rettelmegen muraǵat arasynan eń uzyn mysyrlyq manýskrıpt tapty, onyń jasy 4 000 jyldy quraıdy.
Eki jaǵy terimen qaptalǵan kitap Kaırde mysyrlyq murajaı kitaphanasynan tabyldy. Uzyndyǵy eki jarym metr kitapta Orta patshalyq basyndaǵy «Eki jol kitaptarynan» mátinder keltirilgen, sýretter beınelengen. Onda o dúnıelik patshalyq jaıly aıtylady jáne kóptegen jerleý rásimderi keltirilgen.
Ǵalymdar jádigerdi «Eki jol kitaptarynyń» túpnusqalyq kózderiniń biri bolýy múmkin dep sanaıdy. Sebebi manýskrıpt teriden jasalǵan, ol papırýske qaraǵanda joǵary baǵalanǵan, dep habarlaıdy epochtimes.ru.
